web counter
LEXO PA REKLAMA!

SHKARKO APP

App Store
Google Play

E fundit!

x

“500 mijë euro për kokën e Dokles”/ Si e ndihmoi të arratisej Ervis Martinajn agjenti i policisë pas dëshmisë së Dumanit

24 Gusht 2022, 12:21, Kronika CNA
“500 mijë euro për kokën e Dokles”/ Si e ndihmoi
Ervis Martinaj, Nuredin Dumani dhe Indrit Dokle

Nuredin Dumani, është një nga emrat më të përfolur të botës së krimit në Elbasan, i cili u vu në pranga pak muaj më parë dhe “ushtari” i tij Henrik Hoxhaj.

Pas dëshmive të të penduarit të drejtësisë, një tjetër emër i botës së krimit, Ervis Martinaj, u shpall në kërkim, pasi sipas Dumanit ai kishte porositur vrasjen e Indrit Dokles.

500 mijë euro do paguante Martinaj për të hequr qafe Doklen.

Dumani ka thënë në SPAK në kuadër të dosjes ‘Plumbi i Artë’ se ka marrë porosi nga Martinaj për të vrarë në këmbim të shumcës 500 000 euro dhe se ka marrë paradhënie shumën prej 100 000 euro.

Gjithashtu Nuredini shpjegon se në emër të Ervisit kanë vajtur dhe e kanë takuar në Kosovë dy persona një i thirrur Eli dhe një tjetër që është vëllai i Besian Xhixhës. Ata kanë vajtur me një automjet tip Hummer. Gjatë takimit Eli ka komunikuar me Ervisin dhe më tej me telefonin e Elit ka komunikuar me Elvisin i cili i ka propozuar vrasjen e Indrit Dokle. 

SPAK ka arritur të vërtetojë se Eli është pikërisht shtetasi Elvin Merlika, kurse shtetasi që Nuredini e prezanton si vëllai i Besianit është pikërisht shtetasi Alket Xhixha. Alket Xhixha dhe Elvin Merlika kanë udhëtuar në drejtim të Kosovës me automjetin tip Hummer të cilin e identifikon Nuredin Dumani. Në vijim të komunikimeve Nuredini ka marrë një shumë prej 100 000 Euro nga Martinaj.

Këtë variant e ka konfirmuar edhe Henrik Hoxhaj. Sipas këtij të fundit “çmimi ishte mbi 500.000 Euro pasi sipas Nuredinit personi nga i cili kishte marrë porosinë i kishte thënë kërko sa të duash, para i kishte lënë dorë të lirë tek çmimi”.

Pas deklaratës së Dumanit fillimisht hetimet u  fokusuan në drejtim të identifikimit të vëllait të shtetasit Besian Xhixha, person i cili më parë kishte bashkëpunuar me Nuredinin në vrasjen e shtetasit Bujar Çela etj.

Në dosje thuhet se Nuredini dhe Hoxhaj pasi e kanë ndjekur për pak kohë Doklen kanë arritur në përfundimin se ky objektiv nuk ishte i lehtë dhe kjo porosi ngeli vetëm me fjalë dhe nuk u krye asnjë veprim./CNA.al

 





Lajmet e fundit nga