web counter
LEXO PA REKLAMA!

SHKARKO APP

App Store
Google Play

Sigurohen video të Ervis Martinajt me një vajzë dhe oficerin e operacionales

25 Gusht 2022, 12:32, Kronika CNA
Sigurohen video të Ervis Martinajt me një vajzë dhe oficerin e
Ervis Martinaj

Detaje të reja janë zbardhur nga dosja hetimore e policisë lidhur me veprimet e Jeton Lamit.

Sipas gazetares Klodiana Lala, rezulton se, Lami, i cili ka detyrën e agjentit të Forcës Operacionale ka shoqëruar me një automjet luksoz “Audi A8″, Ervis Martinajn bashkë me një vajzë.

Sipas të dhënave paraprake, gazetarja Klodiana Lala zbulon se, Prokuroria e Kurbinit ka siguruar pamjet filmike ku Ervis Martinaj dhe vajza që e shoqëronte kanë dalë të nesërmen dhe janë shoqëruar nga oficeri dhe një person tjetër që nuk është identifikuar ende.

“Ata rezultojnë të jenë nisur nga Peza në drejtim të Durrësit në datën 5 gusht në orën 21:15 dhe me Lamin që i shoqëron teksa shihen duke hyrë në një hotel. Sipas të dhënave paraprake dhe pamjeve filmike të Prokurorisë së Kurbinit rezulton se Ervis Martinaj dhe vajza që e shoqëronte kanë dalë të nesërmen dhe janë shoqëruar nga oficeri dhe një person tjetër që nuk është identifikuar ende. Edhe vajza që e shoqëronte është marrë në pyetje. Pamjet e fundit të Ervis Martinaj janë në Tiranë më 7 gusht dhe më pas nuk dihet asgjë për të. Sipas familjes ai ka humbur kontaktet më datë 9 gusht”, ka zbuluar Klodiana Lala./ CNA.al





Lajmet e fundit nga