Nga misteri i videos te dorëzimi te kundërshtarët/ Kush po “mbretëron” pas zhdukjes së Ervis Martinajt?

30 Gusht 2022, 14:24, Kronika CNA

Nga misteri i videos te dorëzimi te kundërshtarët/ Kush po

Ervis Martinaj

Që prej fillimit të këtij muaji, zhdukja e mbretit të lojërave të fatit, Ervis Martinaj, është një mister, për të cilin dita-ditës po thuhet një version ndryshe.

Ka dyshime, ku thuhet nga gazetarët e kronikës që Martinaj mbahet peng dhe kërkohet shumë prje 50 milionë eurosh për ta liruar.

Një ditë më parë në një inetrvistë në "Abc news", gazetari investigativ Artan Hoxha u shpreh se ka qarkulluar një video ku shihet Martinaj ndërkohë që deri më tani nuk ka asnjë reagim zyrtar për atë çfarë ka ndodhur në të vërtetë me Martinajn.

Largimi nga terreni i Ervis Martinajt, qoftë i eliminuar fizikisht apo i zhdukur vetë duket se ka krijuar një realitet të ri në botën e krimit të organizuar në vend, të cilët qarkullojnë qindra miliona euro dhe kanë të infiltruar persona të tyret në polici dhe institucionet e tjera ligjzbatuese. Bëhet fjalë për nivele tepër të larta të krimit të organizuar, të cilët mund të kërcënojnë edhe njerëzit e afërt të ministrave apo kryeministrit.

Siç tha gazetari Artan Hoxha në "ABC", ridimensionimi i krimit të organizuar nisi në vitin 2018, fill pas masakrës së ish-Bllokut, ku mbeti i vrarë njëri prej njerëzve të Martinajt, ndërsa ky i fundit u plagos në qafë, raporton "abcnews.al".

Kush po “mbretëron” tani?

Sipas deklaratave të Artan Hoxhës në "Abc", shprehet se përballë Ervis Martinajt janë organizuar disa grupe kriminale, të cilat kanë pasur një qëllim të vetëm: Largimin e tij nga “loja” pasi ishte kthyer në një personazh që kishte prishur balancat e marrëdhënieve mes krimit, politikës dhe botës së biznesit. Hoxha paralajmëroi gjatë intervistës në "ABC" se grupi në fjalë, i cili ka financa tepër të shëndosha si edhe një grup të armatosur profesionistësh janë ata që do të mbretërojnë gjatë dekadës së ardhshme në fushën e krimit të organizuar.

Sipas tij, ky grup është një “përbindësh” që u krijua për të hequr qafe Martinajn, ndërkohë që tashmë do të kthehen në një rrezik të madh për vendin pasi kanë gjithçka që iu duhet për të qenë të paprekshëm, qoftë edhe mbështetjen politike.

Kush e donte eleminimin e Ervis Martinajt?

Mësohet se një ndër ndërhyrjet më të forta të Martinajt në këtë trekëndësh ka qenë momenti kur u tentua monopolizimi i tregut të basteve në Shqipëri, pak vite pas operacionit “Fundi i Marrëzisë” që e goditi rëndë atë në fund të vitit 2013. Bëhet fjalë sipas Hoxhës për kompaninë “Bast Arena”, në të cilin tentuan të futeshin në lojë një politikan i njohur, i shpallur madje “non grata” nga SHBA-ja; një biznesmen i fuqishëm si edhe një i afërm i një politikani tepër të rëndësishëm në vend.

Hoxha u shpreh se me ta mësuar këtë, Martinaj kishte kontaktuar me të tre duke u thënë se duhej të hiqnin dorë nga kjo tentativë për ta nxjerrë atë tërësisht nga loja. “Bast Arena” u mbyll pak muaj më pas sipas Hoxhës.

Largimi nga skena i Ervis Martinajt mund të çojë në një rigjallërim të tentativave për të monopolizuar tregun e basteve në Shqipëri përmes dhënies së ndonjë licence kombëtare.

Kush e shiti Ervis Martinajn?

Artan Hoxha tha në "ABC" se pasi grupi që kishte përballë dukej tepër i fortë dhe me një skuadër “killer"-ash të pamëshirshëm, Ervis Martinaj nisi kërkimin e aleancave të reja. Fillimisht ai shkoi në Vlorë duke kontaktuar me një personazh të njohur të botës së krimit atje, ndërsa për herë të fundit është parë në një zonë pranë Fushë-Krujës, ku është futur në një banesë me qëllim lidhjen e një aleance me një grup kriminal që operon në këtë territor, shkruan "Abc". Hoxha tha se është pikërisht ky momenti ku dyshohet se ky grup e ka “shitur” Martinajn te kundërshtarët e tij, ku ata që e kanë marrë kanë ndërhyrë si një skuadër policie, e veshur me uniformë të Forcave Speciale.