web counter
LEXO PA REKLAMA!

SHKARKO APP

App Store
Google Play

E fundit!

x

Zhdukja e Ervis Martinajt/ Familja e të shumëkërkuarit, në mort

1 Shtator 2022, 21:28, Kronika CNA
Zhdukja e Ervis Martinajt/ Familja e të shumëkërkuarit, në
Ervis Martinaj

Familja e Ervis Martinajt, të shumëkërkuarit nga drejtësia që është shpallur i zhdukur, ka hapur mortin.

Lajmin e ka bërë të ditur gazetari Artan Hoxha, i cili ka treguar mbrëmjen e sotme se ka qenë në familjen e Martinajt.

Hoxha tha në emisionin “Opinion” se familja e tij ende shpreson se Martinaj do të gjendet.

“Kam qenë në shtëpinë e tij, atje është morti i hapur. Edhe ata e kanë një shpresë, unë uroj ta gjejnë. Por unë mund ta besoja këtë nëse nuk do të njihja armiqtë, por duke qenë se i njoh mirë ata, mua më trembin dhe ata që kanë ardhur. Kjo ngjarje ka ndodhur.

Policia dhe Prokuroria kanë një hetim, s’do flasin me përqindje. Meqë është një ngjarje që ka sensitivitet të jashtëzakonshëm, për mua është vija e demarkacionit të krimit në një dekadë, tani do të kemi një dekadë tjetër të krimit. Heshtja e autoriteteve bëhet qëllimisht.

Kur flas për ngjarjen, unë kam qenë dhe kam folur dhe me njerëzit e tij, edhe mbasi kam folur publikisht. Unë anoj nga faktet, dhe për fat të keq kemi të bëjmë me një ngjarje që qëndron në mbylljen e një dekade demarkacioni. Kjo mënyrë për të mos folur, tregon se në çfarë niveli është sot krimi i organizuar”, theksoi gazetari./ B.A. – CNA.al





Lajmet e fundit nga