web counter
LEXO PA REKLAMA!

SHKARKO APP

App Store
Google Play

Skandali/ Vrasësi me armë me leje, policia nuk ia hoqi edhe pas 3 denoncimeve

31 Gusht 2022, 18:11, Kronika CNA
Skandali/ Vrasësi me armë me leje, policia nuk ia hoqi edhe pas 3
Autori Arsen (Hamza) Muskurti

Krimi i dyfishtë që tronditi mbrëmjen e djeshme kryeqytetin mund të ishte parandaluar.

Dritan dhe Nora Muskurti, u ekzekutuan me gjakftohtësi brenda gjencisë turistike, nga Arsen Muskurti që njihet edhe me emrin Hamza.

CNA.al raporti më herët se Arsen Muskurti e kishte armën me leje që nga viti 2020.

Megjithëse mes dy vëllezërve ka pasur vazhdimisht konflikte, dhe sipas të dhënave të raportuara nga grupi hetimor, por edhe nga vetë policia, përplasjet mes tyre janë referuar pranë uniformave blu, në të paktën 3 raste.

Ligji e ka të përcaktuar qartë, që në momentin që një person, i cili ka armë me leje, përfshihet në konflikte dhe policia është në dijeni, urgjentisht i merret arma dhe i hiqet leja.

Në rastin konkret, policia ka pasur 3 raste denoncimesh që është referuar përplasja mes dy vëllezërve, dhe arma nuk i është hequr nga policia e kryeqytetit.

Kush mban përgjegjësi?! Në rast se policia do t’i kishte hequr armën, mund të ishte shmangur një tragjedi e tillë.

Por siç duket nuk kanë mjaftuar as përplasjet publike, as kërcënimet në rrjetet sociale, por as 3 referimet në polici që të merren masa, dhe Arsen Muskurtit t'i hiqej leja dhe arma./CNA.al

 





Lajmet e fundit nga