web counter
LEXO PA REKLAMA!

SHKARKO APP

App Store
Google Play

E fundit!

x

Del videoja/ Si e ekzekutoi me gjakftohtësi vëllanë dhe kunatën Hamza Muskurti

30 Gusht 2022, 21:01, Kronika CNA
Del videoja/ Si e ekzekutoi me gjakftohtësi vëllanë dhe
Foto ilustruse

"Euronews Albania" ka siguruar videon nga momenti kur Arsen Muskurti ka hyrë në biznesin e vëllait dhe kunatës së tij, para se t’i vriste të dy.

Në momentin që hap derën e dyqanit, ai nxjerr armën nga brezi dhe hyn brenda. Në pak sekonda, Muskurti kryen vrasjen e dyfishtë dhe largohet i qetë e gjakftohtë nga vendi i ngjarjes.

Dy janë pistat kryesore në të cilat po heton policia në lidhje me ngjarjen e rëndë.

Pista kryesore është ajo e një konflikti të mundshëm lidhur me biznesin e agjencisë turistike, ku dhe ndodhi ngjarja.

Në bazë të deklarimeve në Qendrën Kombëtare të Biznesit (QKB), rezulton se vëllezërit Dritan dhe Arsen Muskurti, kanë qenë bashkëpronarë deri në vitin 2018.

Më pas agjencia i ka kaluar tërësisht në pronësi Dritan Muskurtit, i cili mbeti viktimë ditën e sotme.

Ndërsa, në profilin e tij në "Facebook", autori i krimit Arsen Muskurti, profil të cilin e kishte me emrin Hamza Muskurti, akuzonte vëllanë dhe kunatën se kryenin veprimtari të paligjshme dhe në kundërshtim me rregullat fetare.

Si autori edhe viktimat, ishin praktikantë të fesë islame. Sipas informacioneve, kjo agjenci koordinonte dhe sponsorizonte udhëtimin drejt Arabisë Saudite të besimtarëve të fesë islame.

Nuk dihen arsyet se përse Arsen Muskurti e kundërshtonte veprimtarinë e vëllait dhe kunatës së tij.

Pas disa orë kërkimesh, autori është arrestuar nga policia në zonën e “5 Majit”.





Lajmet e fundit nga