web counter
LEXO PA REKLAMA!

SHKARKO APP

App Store
Google Play

Zhdukja e Ervis Martinajt/ Gazetari ngre dyshime të forta: Policia është në dijeni të gjithçkaje

30 Gusht 2022, 16:06, Kronika CNA
Zhdukja e Ervis Martinajt/ Gazetari ngre dyshime të forta: Policia
Elton Qyno

Gazetari Elton Qyno është ndalur të komentojë sërish zhdukjen e biznesmenit Ervis Martinaj.

Në një dalje televizive, Qyno tha se Martinaj rrethohej nga efektivë të policisë së shtetit, kryesisht të Forcave Operacionale, të cilët i paguante për ta 'ruajtur'.

Nisur nga kjo gjë, sipas gazetarit, nëse Martinaj është rrëmbyer apo vrarë, policia e shtetit është në dijeni të gjithçkaje dhe duhet të tregojë se çfarë ka ndodhur me biznesmenin.

Edhe për efektivin e vënë në pranga si shoqërues i Martinajt, Jeton Lami, Qyno thotë se ka dijeni për gjithçka. 

"E gjithë Forca Operacionale ka qenë në shërbim të këtij individi dhe jo vetëm. Ky individ ka qenë gjithë kohës i rrethuar nga Forca Operacionale, forca të ndryshme të policisë së shtetit. Sigurisht që ai për shërbimin i paguante. Nëse ai person është rrëmbyer e zhdukur, policia e shtetit dhe vetë Jeton Lami kanë dijeni për gjithçka. Nëse është rrëmbyer, ata e dinë se ku ndodhet aktualisht.

Nëse është vrarë, ata e dine ku është trupi. Mua më rezulton që pika e fundit e këtij personi është Shijaku. Pse këta policë që e kanë shoqëruar nuk shtrëngohen që të flasin e të tregojnë se ku e kanë çuar. Në cilën shtëpi? Kush e ka atë shtëpi? Ai ishte një njeri me peshë të rëndë, nuk është e lehtë të zhduket ky njeri e të inskenohen gjëra me ndarje në 6-7 copa,"- thotë Qyno./CNA.al





Lajmet e fundit nga