web counter
LEXO PA REKLAMA!

SHKARKO APP

App Store
Google Play

Atentati me 3 të vdekur në Fushë-Krujë/ Artan Hoxha zbërthen mesazhin e autorëve

18 Korrik 2022, 13:31, Kronika CNA

Gazetari Artan Hoxha ka folur për ngjarjen e djeshme ku Diklen Vata, 30 vjeç, Brilant Martinaj 23 vjeç, kushërinj, si dhe shoku i tyre Besmir Hoxha u ekzekutuan në një atentat në Fushë-Krujë, teksa udhëtonin me një mjet "Volksvagen Passat".

Hoxha tha se kemi të bëjmë me autorë jo të thjeshtë pasi nuk tërhiqen derisa e kryejnë deri në fund goditjen e tyre.

Sipas tij në zonën nga Lezha dhe në drejtim të Fushë-Krujës po kryhet një luftë e ashpër mes organizatave kriminale. Sipas gazetarit masakra e djeshme ishte një sinjal se tashmë nuk ka më asnjë tolerim.

“Nuk do të ketë më kursim dhe tolerim. Fakti që njëri ka dalë jashtë dhe autorët u kthyen, dëshmon për ashpërsinë e betejës që po zhvillohet në atë zonë.” tha Artan Hoxha.

Gazetari Artan Hoxha raportoi se po goditen më së shumti personat që nuk ruhen pavarësisht se emrat e tyre janë të lakuar në disa ngjarje kriminale.

“Kemi të bëjmë me organizata shumë të fuqishme. Disa kanë marrë masa për mbrojtje dhe po goditeshin ata që nuk po ruheshin dhe dilnin nga bazat e tyre. Janë goditur njerëz që nuk janë larguar.” tha Hoxha.

Duke u ndalur tek operacioni “Plumbi i Artë”, Hoxha përmendi edhe një nga të kërkuarit, Ervis Martinaj, duke thënë se që nga ngjarja e Bllokut, ku mbeti i vrarë një person, Ervis Martinaj po sulmohet në mënyrë permamente.

“Te 'Plumbi i Artë'. Patëm Ervis Martinajn që nuk u gjet. Që nga ngjarja e Bllokut, Martinaj është sulmuar në mënyrë permamente. Ai ka qenë objektiv në mënyrë permamente. Edhe ai është kundërpërgjigjur në disa raste”, tha Hoxha./E.T-CNA.al

 





Lajmet e fundit nga