E fundit!

18:07 Kosova & Bota

“Koha për ta çuar në vijën e finishit”/ Marta Kos njofton hapin e rëndësishëm të Malit të Zi në rrugën drejt BE-së

Komisionerja europiane për Zgjerim, Marta Kos ka bërë me d...

Goditën me sende të forta 33-vjeçarin/ Arrestohet autori dhe bashkëpunëtori, në kërkim një tjetër

18 Korrik 2022, 09:51, Kronika CNA

Goditën me sende të forta 33-vjeçarin/ Arrestohet autori dhe

Policia e Gjirokastrës ka arrestuar një prej autorëve të përfshirë në ngjarjen e djeshme ku mbeti i dëmtuar një 33-vjeçar, si dhe është shpallur në kërkim bashkëpunëtori i tij.

Ndërkohë, është arrestuar edhe një person që ndihmoi autorin për t'u larguar nga vendi i ngjarjes.

Përkatësisht janë arrestuar K.P., 41 vjeç dhe G.R., 32 vjeç banues në Gjirokastër. Gjithashtu u shpall në kërkim shtetasi P. K., 30 vjeç.

“Shërbimet e Komisariatit të Policisë Gjirokastër, nën drejtimin e Prokurorisë pranë Gjykatës së Shkallës së Parë Gjirokastër, pas ngjarjes së ndodhur ditën e djeshme, në lagjen '11 Janari', Gjirokastër, ku pas një konflikti të çastit mbeti i dëmtuar shtetasi L. D., 33 vjeç, banues në Gjirokastër, kanë vijuar punën hetimore, me qëllim kapjen dhe vënien para përgjegjësisë ligjore të autorëve të dyshuar.

Bazuar dhe në informacionet e marra në rrugë policore, u bë kapja dhe arrestimi i shtetasve K. P., 41 vjeç dhe G. R., 32 vjeç, banues në Gjirokastër. Gjithashtu u shpall në kërkim shtetasi P. K., 30 vjeç.

Në datën 17.07.2022, në lagjen '11 Janari', Gjirokastër, pas një konflikti të çastit, shtetasit K. P. dhe P. K. kanë goditur me mjet prerës dhe sende të forta shtetasin L. D., i cili është transportuar në spitalin e Traumës, Tiranë.

Shtetasi P. K. është ndihmuar për t’u larguar nga vendi i ngjarjes, nga shtetasi G. R., i cili e ka transportuar me automjetin e tij. Në cilësinë e provës materiale u sekuestrua automjeti.

Vijon puna intensive për kapjen dhe vënien përpara përgjegjësisë ligjore të shtetasit P. K.

Materialet i kaluan Prokurorisë pranë Gjykatës së Shkallës së Parë Gjirokastër, për veprat penale 'Vrasja me dashje', e kryer në bashkëpunim, mbetur në tentativë dhe 'Përkrahja e autorit të krimit'".-njofton policia.