LEXO PA REKLAMA!

SHKARKO APP

Identifikohen dy viktimat e tjera të atentatit/ Njëri prej tyre me të shkuar kriminale, kushëri i Ervis Martinajt

17 Korrik 2022, 16:39, Kronika CNA
Identifikohen dy viktimat e tjera të atentatit/ Njëri prej tyre me
Foto nga vendngjarja

Identifikohen dy viktimat e tjera të atentatit që u regjistrua mesditën e sotme në mbikalimin e Fushë-Krujës.

Duke iu referuar policisë, mediat raportojnë se dy personat e djegur në makinë janë shtetasit Brilant Martinaj dhe Besmir Hoxha.

Ndërkohë, personi që tentoi të largohej nga makina, por që u qëllua për vdekje është Diklen Vata.

Ashtu si Vata, edhe Martinaj është një emër i njohur për policinë. Ai rezulton të jetë shpallur në kërkim për vrasjen e efektivit të FNSH-ve, Xhulio Prela si dhe ish-policit Xhelal Reçi në Laç. Brilant Martinaj është kushëri i Ervis Martinajt, ky i fundit i shpallur në kërkim ndërkombëtar.

Ndërkohë, pritet që policia të verifikojë të dhënat e publikuara në media për viktimat e atentatit.

Aktualisht po punohet për zbardhjen e plotë të kësaj ngjarjeje dhe për identifikimin e autorëve./ B.A. – CNA.al

Lajmet e fundit nga