web counter
LEXO PA REKLAMA!

SHKARKO APP

App Store
Google Play

Vepruan si komando/ Detaje nga krimi i trefishtë, autorët u rikthyen pasi Hoxha doli i gjallë nga makina

18 Korrik 2022, 10:44, Kronika CNA

Vepruan si komando/ Detaje nga krimi i trefishtë, autorët u rikthyen

Një atentat i mirorganizuar pasditen e djeshme në mbikalimin e Fushë-Krujës la pas 3 të vdekur.

Brilant Martinaj, Diklen Vata dhe Arbër Hoxha u ekzekutuan me breshëri plumbash nga 4 persona ende të paidentifikuar, të cilët duket se vepruan si komando.

Nga breshëria e plumbave të zbrazur në drejtim të të rinjve, makina e tyre shpërtheu në flakë duke shkrumbuar totalisht Brilant Martinajn dhe Arbën Hoxhën.

Sipas "abcnews", Diklen Vata, i cili ishte pasagjer në pjesën e pasme të makinës, me sa duket nuk u prek nga breshëria e plumbave dhe ka tentuar të largohet. Por autorët pasi e kanë parë të gjallë, janë rikthyer duke e lënë të vdekur në vend.

Në vendin e ngjarjes u gjetën më shumë se 60 gëzhoja plumbash. Plumbave nuk i shpëtuan as barrierat ndarëse të rrugës, të cilat ishin bërë shoshë.

Autorët pasi kryen krimin, dyshohet se në fshatin Larushk dogjën makinën e përdorur brenda së cilës u gjetën edhe 3 armë.

Pista kryesore ku është fokusuar grupi hetimor është larja e hesapeve dhe hakmarrja.

Brilant Martinaj, kushëriri i Ervis Martinajt, dyshohet se ka qenë objektivi i atentatit. 23-vjeçari dyshohet si ekzekutor i dy policëve, efektivit të FNSH, Xhuliano Prela në dhjetor 2020 dhe ish-policit Xhelal Reçi më 1 nëntor 2021 në Laç.

Policia ka shoqëruar më shumë se 10 persona të cilët mund të kenë informacione për ngjarjen, ndërkohë që ka vënë 3 milionë lekë të reja në dispozicion të kujtdo që ka informacione lidhur me ngjarjen dhe autorët e krimit që tronditi vendin.





Lajmet e fundit nga