web counter
LEXO PA REKLAMA!

SHKARKO APP

App Store
Google Play

Çfarë nuk dimë për Ervis Martinajn/ I shumëkërkuari, baba i katër fëmijëve, i arsimuar në Itali

26 Gusht 2022, 20:04, Aktualitet CNA
Çfarë nuk dimë për Ervis Martinajn/ I
Fotomontazh - Ervis Martinaj

Emri i Ervis Martinajt është mjaft i përfolur dhe i dëgjuar kur bëhet fjalë për ngjarje kriminale, por kush është jeta e tij, të cilën shumë pak e njohin.

Ervis Martinaj është me origjinë nga Mali i Zi, por ka lindur në Burrel dhe është rritur në zonën e Fushë-Kuqes, ku është zhvendosur bashkë me familjen. Ai është baba i katër fëmijëve.

Gazetarja Klodiana Lala tregon se Martinaj është arsimuar në Itali. Botës së biznesit në lojërat e fatit i hyri menjëherë pasi mbaroi studimet dhe u kthye në Shqipëri.

“Ervis Martinaj është me origjinë nga Mali i Zi, ka lindur në Burrel, është vendosur më pas në zonën e Fushë- Kuqes, është  arsimuar jashtë vendit në Itali dhe është babai i katër fëmijëve. Erdhi dhe hyri në biznesin e lojërave të fatit ku dhe kishte licencë”, rrëfen gazetarja në Euronews Albania.

Pas hyrjes në biznesin e lojërave të fatit, Ervis Martinajt filloi t’i përmendej emri në media.

Konkretisht, për herë të parë ai u përmend në lajmet e kronikave të zeza në tetor të 2013-ës. Emri i tij u lakua pas vrasjes së Elvis Doçit në zonën e ‘Komunës së Parisit’, një biznesmen ky në fushën e lojërave të fatit. Më pas, ai u përmend edhe në shumë ngjarje të tjera, deri në momentin që u raportua i zhdukur nga familja./ B.A. – CNA.al





Lajmet e fundit nga