web counter
LEXO PA REKLAMA!

SHKARKO APP

App Store
Google Play

E fundit!

x

Denoncon PD: Pas 19 vitesh në Presidencë, Begaj pushon nga puna Edvin Shvarcin

25 Gusht 2022, 20:30, Aktualitet CNA
Denoncon PD: Pas 19 vitesh në Presidencë, Begaj pushon nga puna Edvin
Selia e PD-së

Partia Demokratike ka denoncuar shkarkimin nga puna të Edvin Shvarc, djalit të përkthyesit të madh me origjinë hebreje, Robert Shvarc, i cili prej 19 vitesh punonte në Presidencë dhe mbante postin e drejtorit të Marrëdhënieve me Jashtë dhe Median.

Denoncimi është bërë konkretisht nga sekretari i Përgjithshëm i PD-së, Flamur Noka, i cili ka publikuar dokumentin e shkarkimit të Shvarc.

Me anë të një statusi në rrjete sociale, Noka thotë se  Zhvarc po shkarkohet nga puna me motivacionin qesharak se nuk ka kryer në ministrinë e arsimit konvertimin e diplomës së shkollës së lartë të kryer jashtë vendit.

"Pas 19 vitesh punë në institucionin e Presidencës, ku shërbeu me profesionalizëm e korrektesë për 5 presidentë të ndryshëm, Edvin Robert Shvarc pushohet nga puna me një motivacion qesharak të shkruar në letër, pa i thënë një fjalë.

Mungesë e madhe respekti nga Presidenti i Republikës ndaj një nëpunësi civil, i cili jeton me të ardhurat e kësaj pune në një apartament modest bashkë me zonjën dhe nënën e tij.

Edvin Shvarc është shtetas shqiptar me prejardhje hebreje, zyrtar serioz dhe profesionist i rrallë.

Ky akt i shëmtuar njollos institucionin më të lartë të shtetit. Presidenti Begaj nxitoi të shfaqte veten pa mbushur muajin në detyrë”, shkruan Noka./ B.A. – CNA.al

Denoncon PD: Pas 19 vitesh në Presidencë, Begaj pushon nga puna Edvin





Lajmet e fundit nga