web counter
LEXO PA REKLAMA!

SHKARKO APP

App Store
Google Play

E fundit!

x

Qeveria ‘harron’ banorët e dëmtuar nga tërmeti/ Bonusi i qirasë nuk jepet nga tre muaj

24 Gusht 2022, 14:38, Aktualitet CNA
Qeveria ‘harron’ banorët e dëmtuar nga tërmeti/
Foto ilustruese

Bonusi i qirasë për të dëmtuarit nga tërmeti në qytetin e Durrësit ka 3 muaj që nuk jepet. Denoncimi është bërë nga deputeti Belind Këlliçi, i cili thekson se bonusin e muajit maj, shteti ua dha me 8 gusht.

Veç kësaj, dëmet nuk janë riparuar ende në banesa, duke bërë që qytetarët të enden me qira nga një shtëpi në tjetrën.

Me ç'para do strehohen këto familje sa të zgjohet shteti? Ku do t'i gjejnë? Ku shkojnë fondet e rindërtimit?, shton Këlliçi në reagimin e tij.

“Bonusi i qirasë për të dëmtuarit nga tërmeti në qytetin e Durrësit ka 3 muaj që nuk jepet. Dëmet nuk janë riparuar dhe qytetarët janë ende në pritje duke u endur me qira nga një shtëpi në tjetrën. Halleve të tyre u shtohet edhe vonesa e marrjes së bonusit.

Bonusin e Majit, shteti ua dha më 8 gusht, dy muaj me vonesë.

Po del Gushti dhe si qeveria dhe bashkia as që kanë ndërmend të lëvrojnë muajt Qershor, Korrik dhe Gusht. Me ç'para do strehohen këto familje sa të zgjohet shteti? Ku do t'i gjejnë? Ku shkojnë fondet e rindërtimit?

"Nuk dimë kujt t'i drejtohemi. Kemi 3 muaj që paguajmë nga lekët e bukës qiranë e shtëpisë, të cilën mashtruesi Rama gënjen kur thotë se e paguan qeveria me fondet e rindërtimit. Janë mijëra familje të dëmtuara nga tërmeti që marrin bonus qiraje dhe u bënë 3 muaj që ky bonus nuk jepet. Atëherë kush i merr këto para dhe për çfarë përdoren?", kështu më shkruan një banor i Durrësit.

Vonesa është kriminale dhe çnjerëzore.

Ju kujtohet slogani

"S'ka kohë për pushim"?

E kishin për tenderat dhe inceneratorët. Është vjedhje pa pushim.”/CNA.al





Lajmet e fundit nga