web counter
LEXO PA REKLAMA!

SHKARKO APP

App Store
Google Play

E fundit!

x

“Ki durim edhe pak ditë Luizë”/ Dom Gjergj Meta: Ti bëre krenare veten, Shqipërinë me turp

23 Gusht 2022, 18:09, Aktualitet CNA
“Ki durim edhe pak ditë Luizë”/ Dom Gjergj Meta: Ti
Ipeshkvi i Dioqezës së Rrëshenit, Dom Gjergj Meta

Ipeshkvi i Dioqezës së Rrëshenit, Dom Gjergj Meta, ka reaguar në lidhje me shpalljen e Luiza Gegës kampione Europe në atletikë.

 Dom Gjergj Meta uron Luizën për fitoren, ndërsa shprehet se krenare ka bërë veten dhe Shqipërinë e ka bërë me turp.

Ai kritikon reagimet e politikanëve dhe i kërkon Gegës të ketë durim, teksa thekson se Shqipëria nuk i ka dhënë asnjë pistë vrapimi, por vetëm disa statuse në Facebook.

“Luizë, moj Luizë!

Ty t'lumtë moj cucë! Vazhdo vrapo e fito! Shqipërinë do ta bëje krenare nëse ajo do të të kishte dhënë një pistë vrapimi për t'u stërvitur, nëse do të kishte investuar për ty, sepse e dinim në fakt çfarë talenti ti kishe. Por kjo nuk ndodhi! Ti bëre krenare veten e jo Shqipërinë. Atë ndoshta e bëre me turp, sepse u zgjua papritur e të kushtoi statuse sapo ti fitove, por sinqerisht ne atë mbrëmje as garat nuk po ndiqnim. Na lajmëruan mediat, mundësisht ato të huajat që ti ishe kampione.

E megjithatë ti nuk u zemërove, por u mbështolle me atë flamur kuq e zi. Ne pellazgët krenarë ramë me statuse, nga më i madhi tek më i vogli, nga më i gjati tek më i shkurtëri, nga më plaku tek më i riu e me patetizëm montuam video ministrore me këngë patriotike për ty. Ty nuk të bëri Shqipëria kampione, por vetëm puna jote. Ti e bëre Shqipërinë kampione, kurse ajo bëri statuse në rrjetet sociale për ty.

Tani ki durim edhe pak ditë Luizë. Sa të të presim zyrtarisht në aeroport, të të ftojmë në zyrat tona, të dalim në foto me ty, të të dhurojmë ndonjë çelës qyteti apo ndonjë qytetari nderi. Se helbete na duhen.

Pastaj ti vazhdo, vrapo e fito! Ne këtu jemi me statuse gati e duart në formë shqiponje si pellazgë të paepur e krenarë”, nënvizon ipeshkvi i Dioqezës së Rrëshenit./ B.A. – CNA.al





Lajmet e fundit nga