web counter
LEXO PA REKLAMA!

SHKARKO APP

App Store
Google Play

“S’duam lëmoshë nga qeveria”/ Fidel Ylli, kërkesë Ramës: Nxirrini nga errësira kompanitë e basteve

23 Gusht 2022, 12:07, Aktualitet CNA
“S’duam lëmoshë nga qeveria”/ Fidel Ylli,
Fidel Ylli

Kreu i Komitetit Olimpik Shqiptar, Fidel Ylli, ka kërkuar që Shqipëria të japë buxhet për sportet dhe të mos i trajtojë ata sikur të duan lëmoshë.

Gjatë fjalës së tij, në ceremoninë e pritjes këtë të hënë, ai i ka kërkuar kryeministrit Edi Rama që të “nxjerrë" nga errësira kompanitë e basteve, të cilat sipas tij po gëlojnë”.

“Sportistët shqiptarë nuk marrin më rrugën e emigrimit për flamuj të tjerë. Luiza është anëtare e Forcave të Armatosura, duhet ta falënderojmë ministri Peleshi për ndihmën e dhënë. Ne nuk kërkojmë lëmoshë nga qeveria zoti kryeministër, ne qeverinë e duam partner. Zoti kryeministër do të të bëja një thirrje, nxirri ato kompani bastesh që gëlojnë. Ato para t’ua japim shpërblime elitare sportistëve, për të rregulluar atë Pallat Sportesh, për të ringritur palestra në vend. Ne nuk mund të kërkojmë lëmoshë nga buxheti i shtetit, kaq është buxheti i shtetit.

Unë kam qenë në Parlament dhe e di se si ndahet buxheti i shtetit dhe sa është, por i merr errësira, njerëz anonimë, përse duhet të ndodhë kjo? U bë shumë mirë që u mbyllën, afër çdo institucioni, çdo shkolle, poshtë pallateve kishte 10 lokale bastesh, por ka ardhur momentin që të bëhet një studim, kaq të pasur jemi që ne këto para t’ia lëmë këto para rrugës? Kaq të mëdhenj jemi ne? duhet bërë një studim zoti kryeministër, kompani bastesh ka Italia. Ne nuk mund të rrime në atë Pallat Sporti zoti kryeministër, duhen bërë ljëra olimpike, ne kemi një hap tonin që duhet të tregojmë dhe të promovojmë që Shqipëria ka bërë reforma. Kemi marrë dy projekte nga Komisioni Europian,”- tha Ylli ndër të tjera./CNA.al





Lajmet e fundit nga