web counter
LEXO PA REKLAMA!

SHKARKO APP

App Store
Google Play

E fundit!

x

Kush e paguan Evi Kokalarin për të nxitur përçarje dhe konflikte në PD?

22 Gusht 2022, 16:13, Aktualitet CNA

Kush e paguan Evi Kokalarin për të nxitur përçarje dhe

Evi Angelakis, ish-Evis Kokalari, parimorja konservatore amerikane, vjen dhe lobon në Shqipëri, pa e deklaruar në SHBA këtë fakt, por bën dhe disa punë të tjera.

Zonja që pretendon se është aktiviste, në fakt bën një lobim të vazhdueshëm në vendin tonë, në shkelje të ligjit. Ajo deklaron se është konservatore dhe PD e do të tillë, por në fakt ka një dashuri të madhe për të majtët, në Shqipëri është edhe fanse e Ilir Metës. 

Për këtë është kallëzuar në Departamentin e Drejtësisë, pasi në SHBA është e ndaluar që të lobosh për persona ‘non grata’, pa folur për mosdeklarimin e shpenzimeve, kostove, fluturimeve dhe hoteleve.

Përveç këtyre të gjithave po konfigurohet qartazi se Evi Kokalari në sistematikën e saj politike, thjesht dhe vetëm nxit përçarje brenda opozitës.

Mjafton ta kontrollosh se si reagon në rrjetet sociale dhe e kupton qëllimin e saj të vërtetë.

E paguan dikush?

Kjo është për t'u parë, por të gjithë e kanë kuptuar një gjë. Ka një histeri të saj dhe një luftë nxitjeje brenda opozitës. Sulmoi Belind Këlliçin, sulmoi djemtë e FRPD-së, sulmoi Jozefina Topallin, gratë e PD-së, sulmoi burrat e PD-së. Tani ka filluar sulmon të rinjtë që janë në garë për FRPD-në gjoja me parimin ky është konservator, ai është i Sorosit, nxit ditë pas dite urrejtje e përçarje.

Çdo moment nxit konflikt dhe përplasje brenda PD-së. Sulmon një person të caktuar për interesat e dikujt tjetër. Qartazi duket që është lobim, mbështetja për dikë apo sulmi për dikë tjetër.

Por, përtej rëndësisë së këtyre sulmeve që mund të jenë edhe të porositura pasi lidhjet e saj me Erion Veliajn tashmë dihen publikisht. Evi Kokalari nxit një përçarje sitematike në PD.

A është kjo përçarje, kjo përplasje dhe këto sulme porosi nga kryebashkiaku i Tiranës, Veliaj?

A është Evi Kokalari “e sponsorizuar” për këto veprime?

Kush e paguan Evi Kokalarin për të nxitur përçarje dhe
Foto ilustruese

Janë të përsëritura dhe në mënyrë sistematike nxitja e konflikteve të brendshme në PD nga Kokalari-Angelakis.

A janë të gjitha këto porositë e Erion Veliajt dhe Rilindjes dhënë Evi Kokalarit që të ketë sa më shumë përplasje të brendshme në PD, të nxitet konflikti midis të rinjve, përplasje për Sekretarin e Përgjithshëm, betejë për Këshillin Kombëtar, luftë për Kuvendin gjoja në emër të konservatorizmit?

Në finale ato thjesht nxisin konflikt, mbajnë ndezur zjarr brenda opozitës duke e dëmtuar atë ditë pas dite.

E në fund kjo ka një përfitues, emri i tij është Edi Rama, Rilindja, emri i tij është Erion Veliaj, Sorosi të cilin Evi Kokalari e shikon si armik, por benjaminët e saj në Tiranë zonja i ka pasur bashkëpunëtorë, kjo e treguar me zë dhe figurë.

Kush e paguan Evi Kokalarin për të nxitur përçarje dhe
Edi Rama dhe George Soros

Bashkëpunimi i saj që ndoshta ka filluar për ca ndihma dhe tani vazhdon duke kontribuar në konfliktet e brendshme, për të dëmtuar edhe me tej Partinë Demokratike./ CNA.al

 





Lajmet e fundit nga