web counter
LEXO PA REKLAMA!

SHKARKO APP

App Store
Google Play

E fundit!

x

Incidenti në Gramsh/ Peleshi: Mund të kenë pasur synim devijimin e vëmendjes nga një skenar tjetër

22 Gusht 2022, 14:02, Aktualitet CNA
Incidenti në Gramsh/ Peleshi: Mund të kenë pasur synim devijimin
Niko Peleshi

Ministri i Brendshëm, Bledi Çuçi, dhe ministri i Mbrojtjes, Niko Peleshi, kanë zhvilluar së bashku një konferencë shtypi lidhur me ngjarjen e ndodhur në uzinën e armëve në Gramsh.

Ministri i Mbrojtjes, Niko Peleshi, gjatë fjalës së tij se tha se ngjarja e Gramshit është ekzagjeruar nga politika, duke shtuar se çdo situata është ndjekur dhe trajtuar me seriozitet.

Ai shtoi se institucionet vepruan në kohë.

“Institucionet kanë vepruar në kohë dhe ky është lajm i mirë. Unë konfirmoj se ne jemi të përgjegjshëm dhe secili nga ne theksoj se duhet të ruhet nga spekulimet mediatike apo politike. Nuk është hera e parë që turistë të huaj kanë kuriozitet të fotografojnë dhe duhet sqaruar se ka disa nivele të pronave apo bazave të ushtrisë.

Ka theksoj shumë site ish-ushtarake që janë të vizitueshme por sa kohë që janë në mbikëqyrjen e Forcave të Armatosura vizita duhet të bëhet me leje. Ky është rasti i Gramshit apo dhe i Policat, Ne sot nuk kemi Industri të armëve, ka aktivitet sporadik të demontimit të armëve të ndryshme. Ku demontohen herë pa herë armë që sekuestrohen, pra bëhet thjesht shkatërrimi dhe më pas çuarja për skrap. Por ky nuk është aktiviteti i vërtetë i uzinës së Gramshit i para viteve ’90. E njëjta gjë edhe me Poliçanit, me një sasi modeste do të thoja ka një aktivitet të vazhdueshme.

Pra them se nuk ka aktivitet ushtarak të mirëfilltë , por kjo nuk e relativizon ngjarjen në Gramsh. Ata kanë tentuar të hyjë në të, njëri ka kapërcyer rrethimin dhe kur është ndaluar nga ushtarët tanë ka reaguar në mënyrë të dhunshme. Ngjarja e Gramshit po trajtohet me seriozitet për shkak të dhunës , dhe faktit që kemi të bëjmë me tre të huaj me pasaporta ruse që nuk kanë qenë vetme në Gramsh dhe si ngjarje na shqetëson fakti se mund të ketë patur synim për të devijuar vëmendjen nga një skenar tjetër.

Pra meriton ta shohim edhe në mënyrë të tërthortë. Kemi shumë struktura të tjera që përpunojnë çdo informacion, sidomos pas agresionit rus në Ukrainë. Ne jetojmë në një rajon delikat, rajoni i Ballkanit është kompleks, Shqipëria është kampion në Ballkan sa i përket qartësisë për orientimin e saj."/CNA.al





Lajmet e fundit nga