web counter
LEXO PA REKLAMA!

SHKARKO APP

App Store
Google Play

‘Ambulanca është nisur për tim bir’/ 28-vjeçari që shpëtoi motër e vëlla, rrëfen mes lotësh ngjarjen në Shëngjin

22 Gusht 2022, 14:30, Aktualitet CNA
‘Ambulanca është nisur për tim bir’/
Robert Neçaj

Të vësh jetën tënde në rrezik, për të shpëtuar një jetë tjetër. Ky është rasti i 28-vjeçarit , Robert Neçaj, i cili shpëtoi 2 të mitur nga mbytja në Ranën e Hedhur, por vetë pësoi lëndime të mëdha.

“Motra po shpëtonte vëllain e kishin kapur krizat e epilepsisë. Vajza më godet në kokë me pajisjen e shpëtimit që ia dhashë për t’i mbajtur. Në këtë moment piva sasi të mëdha uji dhe kisha minimunin e fuqive. Po lutesha që të preknim tokën. Afër bregut unë humbja ndjenjat”, u shpreh ai.

Dy të miturit, nga frika se mos pa dashje kishin shkaktuar një tragjedi, e lanë Robertin pa ndjenja në ujë.

“Nuk kam pasur asnjë kontakt as me fëmijët, as me familjarët e tyre. Kam hyrë me vetëdije që po rrezikohesha, por nuk e mendoja që situata do shkonte kaq rëndë. Atyre nuk u vë faj, janë të mitur janë trembur”, tregoi ai më tej.

Ka qenë djali i xhaxhait, ai që ka dalë të kërkojë për Robertin, pasi ka vënë re mungesën e tij.

Babai i Robertit, e ka parandier se diçka i kishte ndodhur të birit.

“Duke i rënë telefonit, nuk ia kam hapur, në ato momente dëgjon ambulancën dhe babi thotë që kjo ambulancë është nisur për djalin tim”, tregon ai i përlotur.

Robertit i duhet kohë për t'u rikuperuar. Sezoni i verës për të ka përfunduar, jo ashtu siç ai do donte, por thotë se është i lumtur se sot dy prindër gëzojnë fëmijët e tyre./Euronews





Lajmet e fundit nga