E fundit!

09:23 Aktualitet

Shqipëria avancon në negociatat me BE-në, sot hap i ri drejt integrimit europian

Shqipëria shënon një tjetër moment të rëndësishëm në rrugë...

Rusët në uzinën e Gramshit?/ Karamuço kujton historinë e Qerretit: Çdo opsion është i mundshëm

22 Gusht 2022, 16:22, Aktualitet CNA

Rusët në uzinën e Gramshit?/ Karamuço kujton

Eksperti i kriminalistikës, Ervin Karamuço

Eksperti i kriminalistikës, Ervin Karamuço, ka reaguar për sigurinë në vend, pas ngjarjes së dy ditëve më parë në Gramsh, ku tre shtetas të huaj, dy prej të cilëve rusë dhe një ukrainas, tentuan të futen më forcë në uzinën e armëve.

Karamuço ka ironizuar masat e marra nga autoritetet shqiptare dhe sjell ndërmend ngjarjen e Qerretit, ku u gjetën të pajetë 4 shtetas rusë në një sauna.

Me anë të një statusi në rrjete sociale, ai kërkon të nxjerrim mësime nga ngjarja e Qerretit, ndërsa thekson se çdo opsion është i mundshëm.

“Përmenda dje si metaforë dhimbjet e kokës së Kremlinit, por pak kush e kuptoi. Kur ata i konsiderojnë asete ndërhyjnë menjëherë për t’i liruar. Dhe në fakt me gjasa ajo po ndodh. Me dhjetra emaile po shkëmbehen dhe disa takime diplomatike po planifikohen, me synimin për të liruar Lanën. Por me një shtet të NATO-S do e kenë pothuajse të pamundur. Gjithsesi, Gledisi vajti dje urgjentisht në Elbasan dhe rriti masat e sigurisë në qytet, se ekziston edhe rreziku i ndonjë operacioni nga njësia 29155 e GRU për t’i liruar me pahir ose për t’i eleminuar. Disa prej tyre vërtiten lirisht në Mal të Zi dhe nuk e kanë të vështirë të penetrojnë në territorin tonë. Kanë tentuar ta bëjnë në 2 raste në Poloni dhe një rast në Lituani.

Historia e Qerretit është një ngjarje nga e cila duhet të nxjerrim të gjithë mësime. Çdo opsion është i mundshëm. Nisur nga këto analiza, për arsye sigurie “Pakot” po mendohet të sillen në Tiranë, ku i presin për hetime të mëtejshme” ustallarët”. Megjithatë, një problem i madh që duhet zgjidhur në këtë vend janë mendjet e skeptikëve dhe gjumashëve të palexuar. Nëse thellohesh në qindra libra dhe informacione publike ndriçohesh më shumë të kuptosh kërcënimet reale të sigurisë kombëtare. Thashethemet e kafeneve dhe sindroma kombëtare ” ti s’di gjë kur as unë nuk e di” po na dëmtojnë shumë. Le të presim përfundimin e hetimeve.

Deri atëherë të mundohemi të lexojmë sa më shumë për të kuptuar nga po na vjen e keqja më e madhe…

P.S... Në pushim të leximit ngrini kokën nga qielli për të shplodhur sytë, sepse një B52 po ju përshëndet…”, shkruan eksperti i kriminalistikës./ B.A. – CNA.al