web counter
LEXO PA REKLAMA!

SHKARKO APP

App Store
Google Play

E fundit!

x

15 mijë rusë në Shqipëri, deri në gusht hynë dhe 20 mijë ukrainas

23 Gusht 2022, 12:54, Aktualitet CNA
15 mijë rusë në Shqipëri, deri në gusht hynë dhe
Foto ilustruese

Në 27 shkurt Shqipëria vendosi të ndalojë fluturimet e avionëve rusë në hapësirën e saj ajrore. Kjo ishte pjesë e disa sanksioneve që do të qëndrojnë në fuqi deri sa të vazhdojë lufta në Ukrainë.

Por këto ndalesa nuk i kanë penguar shtetasit rusë të vijnë në Shqipëri.

Deri në mes të gushtit kanë hyrë në vend mbi 15 mijë shtetas rusë. Një vit më parë ata ishin 36 mijë. Ndërsa në total në 6 vitet e fundit llogariten mbi 132 mijë.

Rusët janë pjesë e personave që mund të hyjnë pa viza në territorin shqiptar deri në 31 shtator të 2022-shit.

Një praktikë kjo e ndjekur nga qeveria për heqjen e vizave me shumë shtete gjatë sezonit veror për të tërhequr sa më shumë turistë.

Lufta nuk i ka ndaluar as ukrainasit të vizitojnë Shqipërinë.

20 mijë prej tyre kanë hyrë në vendin tonë deri në mes të gushtit. Ndërkohë, në 2021-shin ishin 110 mijë.  Numri i ukrainasve në 6 vitet  fundit ka qenë sa 2-fishi i rusëve.

Ardhja e turistëve rusë e ukrainas  në Shqipëri ka qenë kryesisht nëpërmjet fluturimeve çarter që nisën in 2016. U ndërpre në 2020-ën dhe në 2021-shin fluturimet ishin të limituara. Tashmë me luftën në derë, rrugët që kanë gjetur drejt Shqipërisë kanë qenë të ndryshme./euronews





Lajmet e fundit nga