LEXO PA REKLAMA!

SHKARKO APP

Çfarë dëshmoi Miss-i që shoqëroi Martinajn në hotel?/ Kontakti i fundit me të shumëkërkuarin

26 Gusht 2022, 18:59, Aktualitet CNA
Çfarë dëshmoi Miss-i që shoqëroi Martinajn në
Ervis Martinaj

Një vajzë e njohur në botën e show-t është parë në shoqërinë e Ervis Martinajt, në ambientet e një hoteli në Durrës.

Vajza, identiteti i të cilës nuk është bërë publik, ka dëshmuar se kontaktin e fundit fizik me të shumëkërkuarin e drejtësisë e ka pasur mbrëmjen e 5 gushtit.

Më 7 gusht, missi shqiptar ka humbur çdo kontakt me 40-vjeçarin.

“Herën e fundit që u takuam ishte mbrëmja e 5 gushtit. Një i njohur i tij na shoqëroi për në një hotel në Durrës. Qëndruam aty atë natë dhe të nesërmen na mori. Unë ika për në shtëpi. Dy ditët në vazhdim kam komunikuar me të, por më pas u shkëputën kontaktet”, ka deklaruar ajo.

Missi është shprehur para autoriteteve se ka tentuar të lidhej me Martinajn me çdo kusht, por nuk ka mundur dot.

Ajo ka treguar se më pas ka kontaktuar persona që kishin njohje dhe dijeni për 40-vjeçarin, por pretendon se as ata nuk kanë pasur asnjë informacion mbi vendndodhjen e Martinajt.

Vajza pretendon se nuk di që Martinaj të ketë pasur përplasje apo armiqësi me ndokënd, pasi ka theksuar se ai nuk i ka folur asnjëherë për shqetësimet apo problemet e tij.

Kujtojmë se nga pamjet filmike që disponon SPAK, missi shqiptar është parë të qëndrojë në një hotel në Durrës mbrëmjen e 5 gushtit.

Ata janë shoqëruar nga agjenti i Operacionales, Jeton Lami, i cili i ka prenotuar atyre edhe dhomën. Një ditë më pas, Martinaj është parë në Tiranë në ambientet e një biznesi që ndodhet në zonën e “Zogut të Zi”./ B.A. - CNA.al

Lajmet e fundit nga