web counter
LEXO PA REKLAMA!

SHKARKO APP

App Store
Google Play

Hapet për qarkullim porta hyrëse lindore e kryeqytetit/ Balluku jep lajmin e mirë për bizneset

3 Shtator 2022, 13:08, Aktualitet CNA

Hapet për qarkullim porta hyrëse lindore e kryeqytetit/ Balluku jep

Kryeministri Edi Rama dhe zv/kryeministrja Belinda Balluku kanë qenë të pranishëm në hapjen e një prej portave hyrëse dhe dalëse më të rëndësishme të kryeqytetit, me një sitem të ri kalimesh.

Porta hyrëse lindore e kryeqytetit përfundoi para afatit, ndërsa pritet që të lehtësojë lëvizjen e mjeteve dhe trafikun.

Prej vitesh kjo zonë vuante nga mbingarkimi i trafikut dhe ky investim ishte kërkuar nga qytetarët.

Zëvendëskryeminstrja Belinda Balluku shprehet se punimet kanë përfunduar në 85%, kjo e dukshme edhe nga vijëzimet e bardha.

“Sot mbi 85% e punimeve janë të përfunduara. Nuk jemi më në kushtet e hapjes provizore. Policia e shtetit ka marrë në dorëzim mbikëqyrjen e aksit dhe mbeten punë të vogla që kanë të bëjnë me gjelbërimin, ndriçimin, me rrugët lidhëse paralele me veprën, që do të përfundojnë sipas kontratës. Kjo është një nyje shumë e rëndësishme, duke pasur parasysh dhe funksionet që ka. Lidhjen me unazën Lindore, kalimin e të gjithë automjeteve pa bërë më rrethrrotullimin në drejtim të Elbasanit dhe të gjitha automjetet që vijnë nga Elbasani për në Tiranë nuk do të bllokohen më. Sigurisht i shërben dhe pjesës së kësaj qendre, që është krijuar një pol ekonomik tashmë dhe ndërtesave të tjera që shërbejnë për zyra. Kështu që këtu kemi një frymëmarrje të re të trafikut. Koha do të shkurtohet për të aksesuar të gjitha degët e tjera të unazës së madhe, e cila ka një kompleksitet të shtuar për shkak dhe të shpronësimeve dhe paketës së kompensimit që po aplikojmë në këtë zonë”, u shpreh zëvendëskryeministrja Balluku./ CNA.al





Lajmet e fundit nga