E fundit!

09:23 Aktualitet

Shqipëria avancon në negociatat me BE-në, sot hap i ri drejt integrimit europian

Shqipëria shënon një tjetër moment të rëndësishëm në rrugë...

Hapet qarkullimi te nënkalimi dhe rrethi i ri te TEG-u/ Rama ngre traun

3 Shtator 2022, 12:49, Aktualitet CNA

Kryeministri Edi Rama dhe zëvendëskryeministrja Belinda Balluku kanë bërë me dije se është hapur para afatit qarkullimi te nënkalimi dhe rrethi i ri te TEG-u.

Teksa kanë inspektuar punimet, Rama tha se kjo vepër e re infrastrukturore çliron ngërçin e madh të krijuar nga rritja e ndjeshme e trafikut dhe garanton lëvizjen e pandërprerë të automjeteve në autostradën Tiranë – Elbasan.

"Hapet para afatit me një sistem të ri kalimesh një nga portat hyrëse dhe dalëse më të rëndësishme të kryeqytetit. Kjo vepër e re infrastrukturore çliron ngërçin e madh të krijuar nga rritja e ndjeshme e trafikut dhe garanton lëvizjen e pandërprerë të automjeteve në autostradën Tiranë – Elbasan, duke krijuar mundësinë për hyrje-dalje nga autostrada Tiranë–Elbasan për Unazën e Madhe të Tiranës, si edhe hyrje-dalje nga autostrada Tiranë–Elbasan për zonën e banuar në Kodrat e Saukut dhe fshatrat Baldushk e Petrelë”, shkruan Rama.

Ndër të tjera duke folur në lidhje me projektet për ndërtimin e infrastrukturave të reja në qytet, është shprehur se askush nuk mund të marrë peng projektet dhe punën.

Këtu, Rama ceku punën dhe projektin e Bulevardit të Ri si dhe prishjen e banesave te lagjia "5 Maji", duke theksuar se banorët ndonëse nuk kanë pasur banesat e legalizuara kanë marrë kontratë qiraje.

“Dikush është në mes të rrugës dhe merr një ofertë bujare se pavarësisht se është komplet pa leje që s’ka tokën dhe asgjë të trajtohet me qira dhe një kontratë sociale, të thotë jo s’du kjo nuk funksionon. Dhe si nuk ka funksionuar as te Bulevardi i Ri dhe as te '5 Maji' nuk do të funksionojnë as tek Astiri.

Nuk do të mbajmë peng gjithë këtë qytet për njerëz që kujtojnë se me gjuhën e forcës dhe të stimuluar politikisht të bëhen pengesë dhe faktikisht bëhen pengje të radhës”, është shprehur Edi Rama/ CNA.al