web counter
LEXO PA REKLAMA!

SHKARKO APP

App Store
Google Play

"Karta e shanseve"/ Gjermania do të japë "Green Card“

5 Shtator 2022, 08:36, Aktualitet CNA

"Karta e shanseve"/ Gjermania do të japë "Green

"Ne do të vendosim një 'kartë të shanseve' me një sistem pikësh transparent, me qëllim që njerëzit për të cilët vendi ynë ka nevojë të vijnë më lehtë te ne", është shprehur ministri gjerman i Punës, Hubertus Heil, për gazetën e njohur gjermane "Bild am Sonntag". Kjo sepse kërkimi i një pune nga jashtë është shpesh i vështirë.


Kush ka një diplomë apo kualifikim, pavarësisht nëse është studim universitar apo shkollim profesional, të cilin Gjermania e njeh, mund ta marrë menjëherë kartën e shanseve. “Por ne duam edhe njerëz, që kanë kualifikime të tjera, dhe që na duhen për tregun e punës, e të cilëve do t’u japim një shans për të ardhur në Gjermani”, ka thënë politikani socialdemokrat gjerman.


Kush i përmbush tri nga katër kriteret merr "kartën e shanseve"

Me 'kartën e shanseve" do duhet të futet një sistem pikësh, që përfshin katër kritere: Shkollimin e përfunduar jashtë, përvojë pune të paktën tri vjet, njohuritë gjuhësore ose një qëndrim të mëparshëm në Gjermani dhe së katërti moshën nën 35 vjeç. Kush plotëson tri nga katër kriteret do të marrë "kartën e shanseve”. Por se si do të përcaktohet në fund kjo kartë duhet të miratohet njëherë brenda qeverisë.


“Ne kemi nevojë për më shumë imigrim”, ka theksuar ministri, Hubertus Heil, duke iu referuar mungesës së fuqisë punëtore në Gjermani. “Vit për vit ne do të përcaktojmë në bazë të nevojës sonë një kontigjent të caktuar, se sa vetë do ta marrin kartën e shanseve në Gjermani, me qëllim që për një kohë caktuar të kërkojnë punë apo shkollim profesional këtu në Gjermani. Për këtë periudhë ata duhet ta sigurojnë vetë jetesën.”/DW





Lajmet e fundit nga