web counter
LEXO PA REKLAMA!

SHKARKO APP

App Store
Google Play

Gledis Nano, drejtori që iku me Gushtin/ Çfarë ndodhi me testin e drogës për policët

4 Shtator 2022, 09:21, Aktualitet CNA

Gledis Nano, drejtori që iku me Gushtin/ Çfarë ndodhi me testin

Largimi i Gledis Nanos nga drejtimi i policisë, ishte lajmi që kulmoi javën që po lëmë pas.

Një largim pa paqe, që mbart me vete disa versione, është komentuar edhe ikja e Nanos, si numri një i Policisë së Shtetit.

Kokaina në Portin e Durrësit, oficerë të policisë të lidhur me krimin, zhdukja e Ervis Martinajt dhe lidhja e tij me zyrtarë policorë, situata e rëndë kriminale, apo emërimet nga Ministri i Brendshëm Bledi Çuçi, pa pyetur për Drejtorin e Policisë.

Këto janë disa nga tezat e hedhura për largimin e Nanos nga drejtimi i Policisë.

Gledis Nano, drejtori që iku me Gushtin/ Çfarë ndodhi me testin

Vetë Nano e dha një version, duke qëndruar më shumë në kuadrin e dinjitetit e të moralit personal, në vend që të hidhte dritë mbi të vërtetën që e nxori jashtë nga zyra e Drejtorit të Përgjithshëm të Policisë.

Pas ikjes së Nanos, nuk është se kanë ndaluar krimet, ato vijojnë me të njëjtin itensitet.

Çdo ditë raportohen vrasje, ku pasi zbardhen të dhënat dhe detajet , rezulton se Policia mund t’i kishte parandaluar, por nuk e ka bërë një gjë të tillë.

Ministri i Brendshëm Bledi Çuçi me 1 shtator, teksa komunikoi largimin zyrtar të Gledis Nanos, tha se nuk i përmbushi objektivat, por pa sqaruar asgjë më shumë.

Gledis Nano, drejtori që iku me Gushtin/ Çfarë ndodhi me testin

Nuk i përmbushi objektivat se nuk iu bind Çuçit, politikës, u pengua apo se ishte i paaftë të neutralizonte krimin brenda radhëve të policisë dhe më pas ta luftonte atë jashtë saj.

Kujtojmë se Nano me marrjen e detyrën ndërmori nismën për testuar për drogë policët.

Fillimisht nisma rezultoi e suksesshme pasi u konstatua se efektivë policie ishin përdorues të lëndëve narkotike, por më pas kjo nismë u hesht, sikur të mos kishte filluar kurrë.

Dhe Gledis Nano, vijoi të lakohej për krimet që kanë tronditur vendin.

Nga Janari deri në Gusht, numërohen mbi 47 persona të vrarë, përfshirë këtu edhe ekzekutime mafioze./CNA.al





Lajmet e fundit nga