web counter
LEXO PA REKLAMA!

SHKARKO APP

App Store
Google Play

Për Irfanin, fajin e ka Qeveria

3 Shtator 2022, 14:44, Aktualitet CNA

Për Irfanin, fajin e ka Qeveria

Në media lajm dite tashmë është prishja e disa pishinave pa leje të ndërtuara nga biznesemeni Irfan Hysenbelliu në “Prestige Resort”.

Dhe ai po përpiqet që gjithçka ta bëjë politike dhe ta kalojë si një sulm ndaj mediave të tij, media që në fakt nuk kanë qenë gjë tjetër veçse vasale të pushtetit.

Po a ka faj Irfan Hysenbelliu? Jo.

Irfani nuk ka asnjë faj. Ai nuk ka ndërtuar pa leje, ai nuk ka marrë godina publike me qira, nuk ka marrë para nga inceneratorët, ai nuk ka bërë asnjë gabim, ka qenë shumë korrekt, ka paguar taksat dhe detyrimet.

Ndërsa Qeveria ka bërë një gabim.

Nuk i ka përdorur siç duhet paratë që i ka dhënë Irfani. Kjo është e gjitha.

Në rast se ka një fajtor në këtë histori është thjesht dhe vetëm, Qeveria.

Përtej çdo ironie, talljeje apo akuze e vërteta është një dhe vetëm një.

Qeveria është fajtore, thjesht dhe vetëm për një arsye që ka lejuar Irfan Hysenbelliun të ndërtonte pa leje në bregun e detit, që ka lejuar Irfan Hysenbelliun që për vite të tëra të mos paguante taksa dhe të bënte evazion fiskal.

Ky është faji i Qeverisë, për të tjerat nuk ka më faj askush.

Fajtori në këtë rast është pa faj sepse Irfani pretendon se është korrekt me ligjin dhe se i ka paguar të gjitha, kurse Qeveria ka një faj që e ka toleruar që të mos i paguajë të gjitha./CNA.al





Lajmet e fundit nga