E fundit!

08:12 Politikë

“I shari shan, i mençuri mendon”/ Rama ndan mesazhin e qytetarit

Kryeministri Edi Rama ka ndarë në rrjetet sociale postimin...

E dredh sërish Irfani/ Çfarë fshihet pas lëvizjeve të fundit mediatike?

27 Gusht 2022, 12:23, Aktualitet CNA

E dredh sërish Irfani/ Çfarë fshihet pas lëvizjeve të

Irfan Hysenbelliu

Pak kohë më parë filloi një betejë e ashpër e Irfan Hysenbelliut dhe mediave të tij kundër Qeverisë dhe një sërë strukturash të shtetit shqiptar.

Sulmi filloi pas një dokumenti zyrtar që Tatimet e dërguan në rreth 1700 biznese për detyrimet që ata kishin, detyrimet që duhet të paguanin në Tatime, sipas vetëdeklarimeve të kryera, pra për sigurimet, tatim-fitimet e të tjera.

Superskandali/ Irfan Hysenbelliu, 1.7 milionë euro borxh në Tatime vetëm nga një kompani
10 Gusht, 18:51

Por në këtë moment, Irfani kërceu.

Kërceu ashpër, sulmoi drejtorin e Tatimeve, sulme, akuza, shpifje pafund.

Më pas, Doganat zbardhën një gjobë. Sërish Irfani kërceu, shau, filloi sulmet direkt ndaj kryeministrit, ministrave, Qeverisë, a thua se ishte gazeta 55 e Fahri Balliut në kohën e Fatos Nanos. “Panorama”, “BallkanWeb”, “News 24” filluan sulme të ashpra.

Irfani doli deri në konferencat e shtypit të opozitës, mori drejtimin e saj. Ilir Meta reagoi, Sali Berisha zyrtarisht nga selia e PD-së, e morën të gjithë në mbrojtje, a thua se kishte ndodhur një krim ndaj Irfan Hysenbelliut.

Në fakt, asgjë nuk kishte ndodhur. Thjeshtë dhe vetëm i kishin kërkuar të paguante taksat që kishte vetëdeklaruar, thjeshtë dhe vetëm i kishin të kërkuar të merrte gjobën, ta pranonte, të shkonte ta paguante ose ta ndiqte në gjykatë.

Irfan Hysenbelliu, sulm tatimeve pas kontrolleve për evazion fiskal
24 Maj, 16:53

Kjo ishte ajo që ndodhi me Irfan Hysenbelliun. Më pas, ndodhi një kontroll i Tatimeve, e kapën me evasion fiskal, i vendosën një gjobë, kontrollohet birra “Korça”. INUK shkon dhe liron bregun e plazhit në Golem, zënë nga hoteli i Irfan Hysenbelliut, ndërtim totalisht për pjesën e bllokimit të plazhit pa leje, pasi ka një ligj specifik për digat, brigjet dhe lumenjtë, dhe mediat e Irfanit u kthyen në një luftë me Qeverinë.

Irfan Hysenbelliu

Kishe qejf ta lexoje se si Irfani, nga njeriu që për 8 vite mbështeste Rilindjen, tani ishte kthyer kundër saj, vetëm binte diçka në sy, kryebashkiaku i Tiranës, Erion Veliaj, nuk sulmohej në asnjë moment.

Por çfarë ka ndodhur së fundmi?

Irfani e ka dredhur. CNA.al ka bërë një monitorim të dy ditëve të fundit të mediave të Hysenbelliut, ku gjerësisht po shfaqet kryeministri për gjithçka që bën ai, transmetime me orë të gjata, raportohet Qeveria, ministrat, ministrja Balluku, ministrja e Financave dhe të tjerët me radhë, ndërkohë që ndaj tyre, gjatë gjithë kohës së sulmit për gati një muaj, ishte vendosur censurë.

E dredh sërish Irfani/ Çfarë fshihet pas lëvizjeve të

Shikoje sulme ndaj Qeverisë, kryeministrit dhe strukturave të shtetit shqiptar dhe lajme pozitive e raportime për kryebashkiakun Veliaj. Së fundmi, Irfani ka filluar po raporton edhe kryeministrin dhe Qeverinë.

Por çfarë ka ndodhur që e drodhi Irfani?

E para, sepse e ka parë që është kapur gafil dhe nuk ka mundur të lëvizë dhe i duhet t’i lëpihet Qeverisë, që të shpëtojë lëkurën.

Së dyti, mund të jetë një lëvizje tjetër, për të mos rënë në sy keq që mbështet vetëm kryebashkiakun Veliaj, mbështet e raporton edhe Edi Ramën dhe ministrat, zyrtarisht për të treguar se është i balancuar, nuk ka luftë me Qeverinë dhe kështu me një gurë të vrasë dy zogj, edhe të zbusë Qeverinë e të shkojë në pazare si gjithmonë me ta, për të zgjidhur problemet dhe hallet që ka.

Më poshtë, CNA.al po sjell disa monitorime të bëra tek gazeta “Panorama” dhe tek “BallkanËeb” që tregojnë se si e ka dredhur Irfani, luftëtari i madh kundër Qeverisë, i cili deklaronte se çfarë nuk do t’i bënte Edi Ramës, do ta thynte në mes më keq se Ilir Meta.

Tani ja ku jemi, përballë faktit që Irfani e ka dredhur, por nuk ka ndonjë çudi që nesër të fillojë ndonjë strategji tjetër sulmi, pasnesër të dredhë prap, sepse stili dhe sjellja e Irfanit janë parë këto vite shumë, janë mësuar, apo ashtu siç ishte rasti skandaloz i “Festës së Birrës” në Korçë, që e sulmoi pasi festa përfundoi, ku tentoi ta dështonte, thjeshtë dhe vetëm për inat të Qeverisë apo kontrolleve që po i bënin Tatimet.

Tashmë, Irfani po lëpin atë që ka pështyrë. Mund ta shikoni në fotot e mëposhtme./ CNA.al