web counter
LEXO PA REKLAMA!

SHKARKO APP

App Store
Google Play

E fundit!

x

“Qeveria nuk mbështet sportistët”/ Rama: Mos dëgjoni njerëzit negativë

27 Gusht 2022, 11:19, Aktualitet CNA

“Qeveria nuk mbështet sportistët”/ Rama: Mos dëgjoni

Sot në kryeministri po zhvillohet ceremonia pritëse për boksierin Florian Marku, pas fitores.

Gjatë fjalimit të tij, Rama riktheu vëmendjen tek reagimet e njerëzve të cilët sipas tij ngjasojnë me atë që ndodhi me kampionen e Europës, Luiza Gega, ku u tha se qeveria nuk mbështet sportistët.

Kryeministri bën thirrje të mos dëgjohen njerëzit negativë pasi ata për çdo zgjidhje e kanë një problem.   

“Siç mund ta keni ndjekur suksesi i jashtëzakonshmë i krijoi një konsensus të çuditshëm gëzimi të përzierë me një ndarje të pakuptueshme të rastit konkret për shkak të politikës. Për arsye të mos arsyes shumëkush nuk e la dot gëzimin pa e përzierë me fjalë pa vend, pa lidhje sipas të cilave Luiza ishte braktisur, se ka vrapuar vetëm për shkak të shettit.

Nuk është e vërtetë që Luiza ka vrapuar vetëm, paavrësisht se suksesi është i saj. Nuk është vërtetë se duke nderuar Luizën ne u përpoqëm të përdorim suksesin e saj.

Përfytyroni sikur të mos kishim asgjë, këta njerëz do thonin ja e shpërfillëm.

Të bëjmë atë që na mëson Luiza, të vrapojmë më shpejt.

Më mirë mos i dëgjoni njerëzit negativë se për ta çdo zgjidhje përbën problem.

Pikërisht kjo ndodhi me Florianain duke filluar avazin po njësoj“, tha Rama./ CNA.al

 





Lajmet e fundit nga