web counter
LEXO PA REKLAMA!

SHKARKO APP

App Store
Google Play

E fundit!

x

50 ish-komando, në shërbim të Ervis Martinajt/ Të infiltruar edhe te RENEA

1 Shtator 2022, 08:57, Aktualitet CNA

50 ish-komando, në shërbim të Ervis Martinajt/ Të infiltruar

Një ditë më parë Gledis Nano është larguar nga drejtimi i policisë së shtetit.

Largimi i tij është komentuar në mënyra të ndryshme, duke e lidhur me krimet që kanë ndodhur në vend përgjatë këtij viti, ku kanë mbetur të vrarë 47 persona, por edhe me rastin e Ervis Martinajt.

Kujtojmë se që prej 9 gushtit Ervis Martinaj përveç statusit të të shpallur në kërkim ka edhe statusin e të zhdukurit.

Ndërkohë, nuk ndalen skenarët rreth fatit të tij, teksa institucionet heshtin dhe nuk deklarohen.

Përveçse ka pasur të infiltruar në Forcat Operacionale, Martinaj dyshohet se ka të infiltruar dhe te RENEA, e cila është në varësi të drejtorit të përgjithshëm të policisë.

Nuk është vetëm Jeton Lami, oficeri i Forcave Operacionale, tashmë i arrestuar që ka qenë në shërbim të Martinajt, por dyshohet se është edhe një nga ekipet e lira që është krijuar në 2019, “Fast”, me 50 ish-komando dhe ish-ushtarakë, për gjurmimin, kapjen dhe arrestimin e elementëve shumë të rrezikshëm.

“Rezulton që organizata e Ervis Martinajt, përveç shumë e shumë brenda radhëve të policisë, ka infiltruar edhe brenda RENEA-s, është krimbur edhe reparti special, RENEA. Këto reparte speciale, RENEA, Fasti, varen direkt nga drejtori i policisë së shtetit dhe këtë kanë dashur t’ia faturojnë Gledis Nanos”, ka thënë një ditë më parë gazetari Poli Hoxha.

Po një ditë më parë, Ministri i Brendshëm Bledi Çuçi, i cili njoftoi largimin e Gledis Nanos, ndër rreshta përmendi edhe përgjegjësi, por duke e amnistuar veten.

Të infiltruarit e Ervis Martinajt në radhët e policisë, nuk u bënë këtë vit, nuk u bënë as kur u raportua zhdukja e tij. Ata janë aty prej kohësh, gjë që nuk e aministon nga përgjegjësitë Ministrin e Brendshëm, që ia la faturën drejtorit të përgjithshëm të policisë, pasi e emëruan në krye të një policie të inkriminuar./CNA.al





Lajmet e fundit nga