LEXO PA REKLAMA!

SHKARKO APP

Tjetër lëvizje në qeveri/ Lirohet nga detyra drejtoresha e Parandalimit të Pastrimit të Parave

31 Gusht 2022, 20:31, Aktualitet CNA
Tjetër lëvizje në qeveri/ Lirohet nga detyra drejtoresha e
Drejtoresha e shkarkuar e Parandalimit të Pastrimit të Parave, Iris Ago

Një tjetër lëvizje e qeverisë është raportuar pas shkarkimeve të bujshme të ditës së sotme.

Mësohet se është liruar nga detyra drejtoresha e përgjithshme e Drejtorisë së Parandalimit të Pastrimit të Parave, Iris Ago.

Ago është zëvendësuar nga ish-deputeti socialist dhe ish-drejtori i Autoritetit të Mbikëqyrjes Financiare, Ervin Koçi.

Vendimi i plotë:

LIRIMIN DHE EMËRIMIN NË DETYRË TË DREJTORIT TË PËRGJITHSHËM TË DREJTORISË SË PËRGJITHSHME TË PARANDALIMIT TË PASTRIMIT TË PARAVE

Në mbështetje të nenit 100 të Kushtetutës dhe të pikës 3, të nenit 21, të ligjit nr.9917, datë 19.5.2008, “Për parandalimin e pastrimit të parave dhe financimit të terrorizmit”, të ndryshuar, me propozimin e ministrit të Financave dhe Ekonomisë, Këshilli i Ministrave

V E N D O S I:

1. Znj. Iris Ago, drejtor i Përgjithshëm i Drejtorisë së Përgjithshme të Parandalimit të Pastrimit të Parave, lirohet nga kjo detyrë.

2. Z. Ervin Koçi emërohet drejtor i Përgjithshëm i Drejtorisë së Përgjithshme të Parandalimit të Pastrimit të Parave.

Ky vendim hyn në fuqi menjëherë dhe botohet në “Fletoren zyrtare”.

K R Y E M I N I S T R I

EDI RAMA./ B.A. - CNA.al

Lajmet e fundit nga