E fundit!

09:11 Aktualitet

Një hap më pranë Brukselit/ Gjermania përshëndet progresin e Shqipërisë në negociatat me BE

Ambasada Gjermane në Tiranë ka përshëndetur mbylljen e për...

“S’mjafton të jesh ‘çun i mirë’”/ Habjon Hasani: Ja pse 'ia këputën kokën' Gledis Nanos

31 Gusht 2022, 16:34, Aktualitet CNA

Ish-drejtori i përgjithshëm të policisë së shtetit, Gledis Nano

Gazetari Habjon Hasani ka reaguar në lidhje me lidhje me shkarkimin nga detyra të drejtorit të përgjithshëm të policisë së shtetit, Gledis Nano.

Me anë të një statusi në rrjetet sociale, Hasani kujton kohën kur Nano u emërua në krye të policisë me propozim të disa ekspertëve të OPDAT-it në ambasadë.

Ai thotë se e kishte parashikuar largimin e Nanos në këtë mënyrë, pasi pretendon se nuk ka pranuar të nënshtrohet para Qeverisë.

Sipas tij, në institucionet e sigurisë nuk mjafton të jesh "çun i mirë", duhet produkt dhe sidomos lojë e rëndë dhe mandat politik dhe besim absolut nga kryeministri.

“Kur mësova se Gledis Nano u emërua Dr. i Përgjithshëm i Policisë, profili që më përshkruan për të, profesionistë që e njihnin, kishte dy valenca kryesore:

a) Gledis Nano ishte ndër të paktët drejtues të rangjeve të larta që nuk kishte implikime mafioze.

b) Ishte pa klan në polici, më tepër se nga qeveria, propozimi i tij ishte një kapriçio e ekspertëve të OPDAT-it në ambasadë.

Kjo e dhënë më bëri të mendoj se ai ndodhej në një situatë paradoksale, e cila ose do të sillte nënshtrimin e tij dhe për pasojë korruptimin, ose do ja këpusnin kokën. Ndodhi kjo e dyta.

Në institucionet e sigurisë nuk mjafton të jesh "çun i mirë", duhet produkt dhe sidomos lojë e rëndë dhe mandat politik dhe besim absolut nga KM. Gledis Nano për fat të keq operoi jashtë kësaj kredoje të rëndësishme.

Ama më pëlqeu që nuk dha dorëheqjen me kompromis, nuk lejoi krijimin e një alibie të lumtur siç bëri Ardi Veliu.

Gjithsesi gjatë kohës që ai drejtoi policinë; kam konstatuar dy gallata të mëdha:

E para, ishte reagimi kur emëruan Gledisin nga disa mbështetës të zjarrtë të Bashës në rrjet. Ata e komentuan si shenjë që kishte nisur "fillimi i fundit" për Trekëndëshin e Bermudëve. Një idiotësi e niveleve galaktike; që në fakt tregon se sa pufte dhe bythëpambuk i ka ambasada këta dishepujt e vet që presin që dhe brekët t'ua ngrejë ambasada.

E dyta, ishte një lajm që qarkulloi fort para ca kohësh; ku një i ashtuquajtur kriminolog thoshte se në FBI Gledisin e thërrisnin me epitetin "Smart Guy from Albania".

Druaj se të gjitha këto idiotësi që thuheshin mbi profilin e tij publik; e kanë dëmtuar atë në sytë e shqiptarëve, ndonëse jam i bindur se Gledis Nano nuk ka nxitur asnjë nga këto budalliqe që thuheshin për të.

Po hyjmë në një fazë të re të perceptimit public, ku fakti se dikush është dishepull i ambasadës përbën dizavantash, diskreditim; shenjë dobësie”, shkruan gazetari./ B.A. – CNA.al