web counter
LEXO PA REKLAMA!

SHKARKO APP

App Store
Google Play

E fundit!

x

“Kush e bëri Gledis Nanon të tërhiqte dorëheqjen?”/ Fundo: Do të kisha preferuar të ikte me dinjitet

31 Gusht 2022, 13:13, Aktualitet CNA

Gazetari Elvi Fundo ka reaguar për largimin nga detyra të drejtorit të përgjithshëm të policisë së shtetit, Gledis Nano.

Përmes një postimi në rrjetet sociale, Fundo thekson se dorëheqja e Nanos do të ishte një largim me dinjitet nga detyra që ai mbante.

Më tej gazetari Fundo ngre pyetjen se “Kush e bëri Nano të tërhiqet nga dorëheqja?”

Ai nënvizon se do të kishte preferuar që Nano të ikte me dinjitet dhe me një ndjesë sepse në këto muaj pamë krime nga më të ndryshmet në këtë vend.

“Kur në redaksi erdhi lajmi se Gledis Nano po jep dorëheqjen, pata dy ndjesi. E para, ndjeva keqardhje pasi ishte një prurje tek e cila unë dhe shumë të tjerë kishim shumë shpresa se do të bënte ndryshim. Por pasi solla në mendje çfarë kanë ndodhur në keto 10 muaj me krimin në vend, atëherë mendova ishte koha për të që të ikte, dhe bravo, po e bën me dinjitet, si rrallëkush nga shtetarët e sotëm e të djeshëm të vendit tonë.

Por brenda pak kohe, lajmi u përgënjeshtrua nga vetë Gledisi, duke theksuar se ai jo vetëm nuk e ka dhënë, por s’ka ndërmend as ta japë dorëheqjen, thua se po kulmonte në karrierën e tij në luftën kundër çdo lloj krimi në këtë vend.

Çfare ndodhi? Kush e bëri ate te bëjë një tërheqje të tillë?

UNI – si çdo shtetar yni që nuk lë dot karrigen pasi hipën në të? Apo faktorë të jashtëm e të brendshëm të cilët u alarmuan pasi do të prekeshin menjëherë nga ikja e tij? Shpresoj shume të jetë e para, sepse është e keqja më e vogël me të cilën jemi mësuar tashmë. E dyta do të ishte vërtet alarmante, të mendosh që ishte thjesht aty si figurë, sepse çdo veprim bëhet në emër të tij nga të tjerë.

Gjithsesi, sot Gledisi iku. Do të kisha preferuar të ikte me dinjitet dhe me një ndjesë sepse në këto muaj pamë krime nga më të ndryshmet në këtë vend: fëmijë që vriten nëpër plazhe, të rinj që mbushin me gjak rrugët, familje që copëtohen e vetëgjyqesohen, të kërkuar nga policia të zhdukur, pushtim i qyteteve nga krimi i organizuar, kontrabandë e çfarëdolloj gjëje tjetër që rrok mendja kriminale. Ai s’bëri asgjë dhe prandaj duhet të ikte dhe iku.

Mënyra se si thjesht e kompletoi të gjithë tablonë e këtyre 10 muajve”, shkruan Fundo./CNA.al





Lajmet e fundit nga