LEXO PA REKLAMA!

SHKARKO APP

Hakeri bjellorus grabiti të dhënat e bankave shqiptare, skandalin e zbuloi grupi “Drejtësia e Atdheut”

31 Gusht 2022, 17:42, Aktualitet CNA
Hakeri bjellorus grabiti të dhënat e bankave shqiptare, skandalin e
Foto ilustruese

Dokumentet e publikuara të hakerave 'Homeland Justice', të cilët pretendojnë se qëndrojnë pas sulmit kibernetik të pak javëve më parë ndaj faqeve të ministrive shqiptare e platformës e-Albania kanë zbuluar një tjetër histori me hakera.

Në dokumentet e publikuara del një material pdf që tregon për korrespondencën mes prokurorit bjellorus të çështjes me palën shqiptare për një sulm të kryer nga një shtetas bjellorus, i cili akuzohet se ka vjedhur të dhënat e 131 bankave e institucioneve financiare në botë, mes të cilave 21 janë në Shqipëri.

Bëhet fjalë për një sulm të kryer në vitin 2020, i cili po hetohet nga prokuroria bjelloruse, e cila ka kërkuar për këtë edhe ndihmën e autoriteteve përkatëse shqiptare duke iu drejtuar zyrtarisht në nëntor të vitit 2020.

Ndër materialet e vjedhura nga hakeri bjellorus janë të dhënat e kartave dhe kredive bankare nga 21 banka e institucione financiare në Shqipëri, të cilët u janë shitur palëve të treta.

Personi i arrestuar në Bjellorusi akuzohet për ‘spiunazh komercial’, ndërsa sipas prokurorisë bjelloruse ai ka përdorur programe speciale për thyerjen e sistemeve të sigurisë duke vjedhur të dhënat sekrete të cilat i ka shitur më pas në ‘Dark Net’.

Më herët hakerat e Homeland Justice, kanë publikuar email-e e dokumente të tjera zyrtare, ndërsa para dy ditësh publikuan numrat e telefonit dhe numrat e kartave të identitetit të shtetasve shqiptarë, ndërsa kryeministri Rama deklaroi pas sulmit se gjithçka ishte rikuperuar me sukses dhe se të dhënat e qytetarëve janë të sigurta./ Hashtag.al

Hakeri bjellorus grabiti të dhënat e bankave shqiptare, skandalin e

Lajmet e fundit nga