“Shkarkimi i Gledis Nanos, puç!”/ Llabani zbulon debatet në zyrë me Çuçin

31 Gusht 2022, 16:56, Aktualitet CNA

“Shkarkimi i Gledis Nanos, puç!”/ Llabani zbulon debatet

Anduena Llabani

Gazetarja Anduena Llabani, e ka cilësuar si një puç, shkarkimin e drejtorit të policisë së shtetit Gledis Nano.

Në studion e lajmeve të "MCN TV", Llabani tha se Nano fillimisht i përgënjeshtroi zërat e dalë nga zyrat e Ministrisë së Punëve të Brendshme se kishte dhënë dorëheqjen, ndërsa sot nuk është më në zyrat e policisë së shtetit, edhe pse ka një karrierë të madhe, grada dhe vlerësime nga ndërkombëtarët.

"Një ditë më parë deklaroi se nuk ishte e vërtetë që kshte dhënë dorëheqjen, por se do të vijonte. Fakt të cilin ministri i Brendshëm, Bledi Çuçi e hodhi poshtë me zë dhe figurë se vendimi për shkarkimin si i paaftë u legjitimua.

Nano nuk ka pranuar të kontaktojë as me gazetarët dhe mediat, lidhur me shkarkimin. Shkarkimi i Nanos ka qenë politik dhe jo vetëm që ka të bëjë me detyrën.

Në reagimin e Gledis Nanos për televizionin tonë thotë se shkarkimi është bërë që dje dhe është vendim i marrë në zyrat e Ministrisë së Brendshme dhe i zyrtarizuar si me deklaratën e zotit Çuçi, ka qenë sipas tij, si një puç që i është bërë kreut të policisë së shtetit, duke dashur të lërë në mënyrë të fortë detyrën e kreut të policisë.

Nano ka deklaruar se nuk do të vazhdojë më punën në policinë e shtetit, dhe nuk do të ketë lidhje me administratën shtetërore dhe policinë.

Se çfarë do të bëjë më tej, do të mësojmë kur të kemi kontakt. Kohët e fundit, zoti Nano, në ditët e para të gushtit, ka pasur vizita të shpeshta pranë SPAK-ut dhe nuk di të bëjë ndonjë lidhje mes vizitave me kreun e SPAK-ut, në vijim të operacioneve që lidhen me ngjarjet e fundit kriminale në vend që kanë tronditur opinionin publik."

Llabani shtoi më tej se në periudhën e drejtimit të policisë nga Gledis Nano, ka pasur bilanc lufte me ekzekutime, krime të rënda brenda familjes etj.

Por ajo thotë se Gledis Nano nuk kishte ndërmend që të jepte dorëheqjen dhe se në orët e para të lajmit nuk ka folur, çka sipas saj duket se kanë qenë përpjekjet e fundit që ka bërë me drejtuesit e lartë, për të vijuar ose jo detyrën si kryepolic.

"Ka qenë një takim që ministri Çuçi i ka kërkuar Nanos në zyrën e tij pranë ministrisë së Brendshme. I është kërkuar që të japë dorëheqjen, një fakt që kanë debatuar, debati ka vijuar dhe mes tyre nuk ka pasur klimë miqësore dhe aspak të mirë.

Fakti që kemi të bëjmë me një ministër dhe drejtues të parë, Gledis Nano nuk ka pranuar që ta pranojë me zë. Nano ka dhënë dorëheqjen njëherë e mirë si polic nga administrata shtetërore, tregon se raporti mes tyre nuk ka përfunduar mirë."

Lidhur me emrin që përflitet se do e zëvendësojë, Muhamet Rrumbullaku, aktualisht kreu i Agjencisë së Mbikëqyrjes Policore, Llabani tha se ka lënë detyrën si drejtues i AMP-së dhe pritet që brenda pak ditësh ministri Çuçi të bëjë emërimin e tij zyrtar.

"Ardi Veliu merr detyrën në krye të Agjencisë së Mbikëqyrjes Policore, agjenci shumë e rëndësishme, pasi kohëve të fundit jemi përballur edhe me inkriminimin e uniformave blu.

Duket se Muhamet Rrumbullaku, i cili vjen nga një karrierë shumëvjeçare si drejtues i lartë, do të zëvendësojë Gledis Nanon, një detyrë që do ta bëjë në mënyrë shumë spontane dhe shumë mirë se ka eksperiencë në këtë fushë.

Largimi i Gledis Nano nga drejtimi i kupolës së policisë, nuk e di nëse do të ketë shuumë efekte te personeli brenda drejtorisë së policisë...

Janë shumë njerëz që janë marrë në punë nga Gledis Nano, shumë operacione që mbeten pezull. Do të shohim në ditët në vijim se cilat janë arsyet që u larguan. Nëse largimi i tij me dhunë ka të bëjë me disa operacione..."