web counter
LEXO PA REKLAMA!

SHKARKO APP

App Store
Google Play

Ambasadori i SHBA në Serbi, pro "Ballkanit të Hapur"/ Ideja erdhi nga vetë vendet, nuk ua imponuam ne

31 Gusht 2022, 17:33, Aktualitet CNA
Ambasadori i SHBA në Serbi, pro "Ballkanit të Hapur"/ Ideja
Ambasadori amerikan në Serbi, Christoher Hill

Ambasadori amerikan në Serbi, Christoher Hill, ka folur në lidhje me nismën e "Ballkanit të Hapur", pasi është pyetur nëse SHBA-ja e mbështet atë.

Hill ka deklaruar se kjo nismë ka ardhur nga vetë vendet anëtare dhe nuk është imponuar nga shtete të tjera të huaja.

Diplomati amerikan ka shkruajtur në "Twitter" se SHBA është pro kësaj nisme, që pretendon se është një mjet efektiv për t’i bashkuar shtetet e jo për t’i ndarë ato.

“Ka të bëjë për vendet e Ballkanit që kërkojnë mënyra për të bashkëpunuar më mirë. Mendoj se është një mjet shumë efektiv që vendet të përdorin kufijtë për t’i bashkuar, jo për t’i ndarë, kështu që qeveria e SHBA-së dhe unë e mbështesim këtë”, është shprehur ai.

Ambasadori amerikan ka theksuar se "Ballkani i Hapur" do e ndihmojë BE-në të gjejë zgjidhje për problemet e nuk do ia shtojë ato.

Ndërkohë, kujtojmë se kjo deklaratë vjen pak ditë pasi drejtori i parë i Fondacionit “Soros” në Shqipëri, Fron Nahzi, kritikonte "Ballkanin e Hapur" dhe e cilësonte si një nismë që u shërbente interesave të Serbisë./ B.A. – CNA.al





Lajmet e fundit nga