web counter
LEXO PA REKLAMA!

SHKARKO APP

App Store
Google Play

Kush është Oljan Kanushi, nëndrejtori i ri i SHISH

31 Gusht 2022, 18:07, Aktualitet CNA
Kush është Oljan Kanushi, nëndrejtori i ri i SHISH
Olian Kanushi, nëndrejtori i ri i Shërbimit Informativ Shtetëror,

Olian Kanushi, është nëndrejtori i ri i Shërbimit Informativ Shtetëror, emërimi i të cilit u njoftua sot nga ministri i Brendshëm, Bledi Çuçi, pas mbledhjes së Qeverisë.

Kanushi ka një eksperiencë 20-vjeçare në sektorin publik dhe privat. Ai ka përfunduar studimet në fushat e sigurisë, ekonomisë dhe zhvillimit. Kanushi u diplomua në universitetin “Aristotel” të Selanikut dhe ka kryer studime pasuniversitare në Universitetin e Tiranës.

Gjithashtu, nëndrejtori i ri i SHISH ka kryer disa kurse për Studime Globale në Goteburg të Suedisë, në “Kolegjin e Europës” në Belgjikë, në universitetin e “Shkencave Politike” në Paris, si dhe në “Qendrën për Zhvillim Ndërkombëtar” në Harvard.

Më parë, ai ka mbajtur një sërë postesh, si këshilltar i Ministrit të Punëve të Jashtme, ministër Fuqiplotë i Trupës Diplomatike, zëvendësshef i Misionit për Republikën e Shqipërisë në Turqi, këshilltar i Kryeministrit, koordinator në Sekretariatin Teknik për Projektet e Zhvillimit Strategjik në Kryeministri dhe Drejtor i Zyrës Operacionale të Situatës në Kryeministri.

Gjithashtu, Olian Kanushi ka qenë pika e Kontaktit në Shqipëri për Komisionin Evropian mbi sigurinë dhe SME në kuadër të Horizon 2020./ B.A. – CNA.al





Lajmet e fundit nga