web counter
LEXO PA REKLAMA!

SHKARKO APP

App Store
Google Play

E fundit!

x

Zhdukja e Ervis Martinajt/ Informacionet erdhën nga Dubai

16 Gusht 2022, 14:15, Kronika CNA

Zhdukja e Ervis Martinajt/ Informacionet erdhën nga Dubai

Zhdukja e Ervis Martinajt vazhdon të mbetet ende mister. Prokuroria e Kurbinit ka regjistruar procedimin penal si një rrëmbim i mundshëm, pasi nuk ka asnjë të dhënë për Martinajn, i cili ishte edhe person i shpallur në kërkim.

Sipas gazetares Klodiana Lala “pavarësisht hetimeve, prokuroria nuk e ka të qartë nëse Martinaj e ka inskenuar apo mund të ndodhen para një ngjarjeje kriminale. Këto janë pyetje që duhet t'u japë përgjigje hetimi”.

Më tej gazetarja u shpreh se kjo është një ngjarje e një natyre të veçantë dhe komplekse për policinë.

“Ditët e fundit një grup i posaçëm i hetimit ku janë përfshirë ekspertët më të mirë janë duke u zhvilluar kontrolle në disa baza në Fushë-Kuqe, Fushë-Krujë, Durrësit dhe Vlorës, aty ku mendohet se Martinajt kishte njerëz që mund ta strehonin. Po ashtu janë marrë në pyetje personat që mund të kishin kontaktet me Martinajt, në kohën kur ai ishte ne arrati”.

Ndërkohë, kujtojmë që personi i cili ka informuar familjarët që ka humbur kontaktet ndodhet në Dubai dhe policia nuk ka mundur që të marrë një dëshmi në lidhje me ngjarjen, shkruan BW.

Kujtojmë se hetimet për zhdukjen e Martinajt nisën pas denoncimit në policinë e Kurbinit të xhaxhait të tij Faik Martinaj, i cili tha se kishte humbur kontaktet me nipin dhe dyshonte se diçka e keqe mund t’i kishte ndodhur për shkak të konflikteve që ka me grupe të ndryshme kriminale./CNA.al





Lajmet e fundit nga