E fundit!

13:28 Ekonomi

Ekonomia e përditshme/ Çfarë ndikimi kanë çmimet e karburantit sot?

Karburanti nuk prek vetëm drejtuesit e automjeteve. Kjo ës...

Ervis Martinaj kërcënoi me vrasje oficerin e policisë

13 Nëntor 2015, 15:21, Kronika CNA

Ervis Martinaj, i dyshuari kryesor i policisë për vrasjen e 30 ?vjecarit Enton Nikaj pasditen e së mërkurës në Linzë, konsiderohet nga policia e shtetit si një prej personave më të rrezikshëm.

Emri i tij figuron në dosjet e disa prej vrasjeve më të bujshme të dy viteve të fundit. Por agresiviteti i tij ka arritur deri në kërcënimin me vrasje të një oficeri të lartë të policisë së shtetit.

Më 20 tetor të vitit 2013, në kulmin e operacionit ?Fundi i Marrëzisë?, kundër lojërave të paligjshme të fatit, Ervis Martinaj kërcënon shefin e repartit special ?Shqiponja? në drejtorinë e policisë së Tiranës, Engjëllush Avdulaj, se do ta vrasë.

Sapo reparti ?Shqiponja? dhe komisariati numër 3 i Tiranës kishin sekuestruar rreth 400 makineri lojërash fati dhe 25 makina luksoze në një magazinë të Ervis Martinajt ai e merr në telefon shefin e këtij reparti, komisar Engjëllush Avdulajn dhe e kërcënon se do ta eliminojë.

Komisari Avdulaj ka bërë kallëzim penal për këtë rast. Ai e ka denoncuar Ervis Martinaj për kanosje me jetë për shkak të detyrës në komisariatin numër 2.

Ky komisariat i ka referuar materialet në Prokurori, ndërsa komisar Avdulaj, i cili aktualisht mban detyrën e shefit të Komisariatit të Malësisë së Madhe, ka lëvizur me shërbime të përforcuara.

Prokuroria i ka nisur hetimet për këtë rast dhe policia ka ushtruar me dhjetëra kontrolle në Fushë Kuqe, Laç e Tiranë në përpjekje për ta arrestuar, por pa mundur të bjerë në gjurmët e Ervis Martinajt.

3 ditë pas këtij kërcënimi, mbrëmjen e 23 tetorit të vitit 2013, Ervis Martinaj kërkohet nga policia si i dyshuar për një vrasje, atë të Elvis Doçit, biznesmenit 35 ?vjeçar të lojërave të fatit që u vra në Komunën e Parisit, në makinën e tij.

Policia ngriti dyshime se eliminimi i Doçit kishte lidhje me shitjen e disa lojërave të fatit, një operacion të cilin dyshohet se ishte i përfshirë Ervis Martinaj.

33 ?vjeçari i lindur në Burrel dhe banues në Laç e ka emrin në dosjet e policisë dhe Prokurorisë edhe për vrasjen e bujshme të bankierit Artan Santo, më 26 qershor të vitit 2014.

Dyshohet se motori me dy personat që ekzekutuan biznesmenin u fsheh në magazinën e tij në Fushë Kuqe, aty ku policia humbi gjurmët e tij.

Në të njëjtën magazinë u gjetën dy skafandra të ngjashme me ato që mbanin vrasësit e Santos. / Tv Klan