web counter
LEXO PA REKLAMA!

SHKARKO APP

App Store
Google Play

Kultivuan 11 mijë rrënjë kanabis në bashkëpunim me policin

9 Nëntor 2015, 15:38, Kronika CNA

Policia e Beratit ka vënë në pranga një punonjës policie dhe ka shpallur në kërkim  dy persona të tjerë pasi dyshohet se në bashkëpunim kanë kultivuar 11.193 rrënjë bimë narkotike e llojit Cannabis Sattiva.   Policia ka bërë me dije se në pranga ka rënë shtetasi Ilir Jaho, 34 vjeç, banues në Lapardha, punonjës policie, me detyrë trupë shërbimi pranë Sektorit të Qarkullimit Rrugor në Berat .  Ndërsa janë shpallur në kërkim shtetasit  J.J. dhe K.J që të dy banues në Lapardha.

Deklarata e plotë e policisë

Sot në mesditë, Shërbimi i Çështjeve të Brendshme dhe Ankesat në MPB në bashkëpunim me strukturat e Komisariatit të Policisë Berat, mbi bazën e informacioneve të siguruara në rrugë operative, në kuadër të luftës për parandalimin e kultivimit të bimëve narkotike arrestoi në flagrancë shtetasin Ilir Jaho, 34 vjeç, banues në Lapardha, punonjës policie, me detyrë trupë shërbimi pranë Sektorit të Qarkullimit Rrugor në Berat

Gjithashtu u shpallën në kërkim shtetasit:   – J.J., banues në Lapardha  – K.J., banues në Lapardha, dhe po punohet për ndalimin e tyre.

Arrestimi i shtetasit Ilir Jaho dhe shpallja në kërkim e 2 shtetasve të sipërcituar u krye pasi dyshohet se ata në bashkëpunim me njëri-tjetrin kanë kultivuar 11.193 rrënjë bimë narkotike Cannabis Sattiva.   Bimët u zbuluan në fshatin Lapardha 2, të kultivuara në 4 sera. Hetimet po vijojnë, nëse ka persona të tjerë të përfshirë në këtë aktivitet kriminal.

Materialet i kaluan Prokurorisë së Rrethit Gjyqësor Berat për veprën penale ?Kultivimi i bimëve narkotike? parashikuar nga neni 284 i Kodit Penal.





Lajmet e fundit nga