web counter
LEXO PA REKLAMA!

SHKARKO APP

App Store
Google Play

Regjistruan rreth 200 ha pyll në shkelje të ligjit/ Proçedohen 5 punonjës të Z.V.R.P.P

5 Nëntor 2015, 10:30, Kronika CNA

Policia e Beratit ka proceduar 5 punonjës të zyrës vendore të Regjistrimit të Pasurive të Paluajtëshme, për shkak se dyshohet se kanë shpërdoruar detyrën.

Në njoftimin e policisë saktësohet se këta shtetas në bashkëpunim me njëri-tjetrit kanë regjistuar në mënyrë të paligjshme gati 200 ha pyje.

Sipas Policisë, seksioni i Krimit Ekonomik dhe Financiar, filloi proçedimin në gjendje të lirë ndaj shtetasve; A.M, 51 vjeç, banues në Berat, me detyrë ish Regjistrues në Zyrën Vendore të Regjistrimit të Pasurive të Paluajtshme Berat. Sh.D, 54 vjeçe, banuese në Berat, me detyrë hartografe në Z.V.R.P.P Berat. R.A, 46 vjeç, banues në Berat, me detyrë ish Përgjegjës i Sektorit të Hartografisë në Z.V.R.P.P Berat. Z.C, 29 vjeçe, banuese në Berat, me detyrë ish Specialiste në Z.V.R.P.P Berat,  si edhe M.Sh, 28 vjeçe, banuese në Berat, me detyrë ish juriste në Z.V.R.P.P Berat.

Proçedimi penal ndaj shtetasve të mësipërm filloi, pasi në vitin 2012 kanë regjistruar në kundërshtim me ligjin, 100 ha pyll në fshatin Velçan, në emër të shtetasit R.Xh, si dhe sipërfaqen prej 94 ha pyll, në emër të shtetasve B.L, Rr.L, H.B dhe K.B.

Materialet i kaluan Prokurorisë së Rrethit Gjyqësor Berat për veprën penale ?Shpërdorim detyre? parashikuar nga neni 248 i Kodit Penal.





Lajmet e fundit nga