web counter
LEXO PA REKLAMA!

SHKARKO APP

App Store
Google Play

E fundit!

x

Zbardhet skema e skandalit të rimbursimeve

4 Nëntor 2015, 16:00, Kronika CNA

Vetëm për rimbursimin e dy ilaçeve, insulinë dhe ketosteril, të paktën 4 farmaci dhe një distributor, ?Omega Farma?, dyshohen se i kanë shkaktuar shtetit në dy vite një dëm ekonomik prej 270 milionë lekësh.

Gjatë masës së sigurisë kundër 13 të arrestuarve si të implikuar në skandalin e rimbursimit të ilaçeve, Prokuroria e Tiranës iu referua raporteve të ekspertëve kontabël, por edhe dhjetëra faturave fiktive, në të cilat deklarohej blerja e një sasie ilaçesh, e më pas përpilimi i faturave të tjera, që paraqisnin shitjen e një numri më të madh sesa ishin shitur te blerës të panjohur.

Farmacitë, nga ana e tyre, sipas Prokurorisë kanë përfituar me këto fatura nga Fondi i Rimbursimit.

Gjatë paradites, gjykata zhvilloi masat e sigurisë për 5 prej të arrestuarve, mes tyre edhe administratori i ?Omega Farmës?, Nadir Çausholli, i cili u la në ?arrest me burg?. Administratori i tha gjykatës se ai përfaqëson një kompani serioze dhe se kompania e tij nuk është e përfshirë në informalitet.

?Unë nuk përbëj rrezik shoqëror – shtoi Çausholli, – dhe arrestimi im është shoë mediatik. Për këtë arsye kërkoj një masë më të butë nga gjykata?.

Megjithatë, kërkesa e tij nuk u mor parasysh nga gjykata, ndërsa u la në burg edhe Tasim Toçi, specialist i IT-së pranë Drejtorisë Rajonale të Fondit të Sigurimit të Detyrueshëm të Kujdesit Shëndetësor.

Ndërkohë, farmacisti Erind Hajdari u la nën masën ?arrest shtëpie?, me detyrimin që t?i vendoset byzylyk elektronik. Kurse Vangjelita Qerrushi, farmaciste, dhe Mariela Përnoci, drejtuese teknike pranë një farmacie, sipas kërkesës së vetë prokurores së çështjes u lanë nën masën ?detyrim paraqitjeje?.

Aktualisht po vijojnë masat për të ndaluarit e tjerë, ndërkohë që vijojnë të jenë në kërkim edhe 5 të dyshuar të tjerë.

/ Top Channel





Lajmet e fundit nga