web counter
LEXO PA REKLAMA!

SHKARKO APP

App Store
Google Play

Misteri i humbjes së Ervis Martinajt/ Policia në vështirësi kthen sytë nga Vlora

13 Gusht 2022, 14:29, Kronika CNA

Misteri i humbjes së Ervis Martinajt/ Policia në vështirësi

Misteri i humbjes së kontakteve të Ervis Martinajt me familjen e tij ka vënë në vështirësi grupin e hetimit, pasi për herë të parë prokuroria ka çelur një hetim për rrëmbim personi, ndërkohë që 40-vjeçari ishte në kërkim ndërkombëtar mbi bazën e një urdhër-arresti nga SPAK.

Burime për gazetaren Klodiana Lala thanë se prokuroria ka nisur përgjime e vëzhgime të personave që dyshohet se mund të kenë pasur kontakte me Martinajn.

Ndërkohë, po ushtrohen kontrolle në disa vende që ka dyshime se Martinaj përdorte si baza për t’i shpëtuar policisë.

Hetuesit kanë kthyer sytë drejt Vlorës, qytet ku mendohet se Martinaj kishte lidhje dhe njohje të forta.

Hetimet nisën pas kallëzimit të Faik Martinajt, xhaxhait të 40-vjeçarit të shumëkërkuar, i cili denoncoi humbjen e kontakteve me nipin dhe ngriti dyshime se mund t’i ketë ndodhur diçka e keqe për shkak të përplasjeve që ka me grupe kriminale që kanë interes ta eliminojnë.

Pistat e hetimit janë të hapura, nga njëra anë ka dyshime se ngjarja mund të jetë inskenuar nga vetë Martinaj për t’u shpëtuar kundërshtarëve dhe policisë, nga ana tjetër nuk rrëzohen as dyshimet se mund të jenë përpara një ngjarjeje kriminale./bw





Lajmet e fundit nga