Tragjedia në familjen nga Roskoveci/ Rrëfehen fqinjët: Vite më parë humbën dhe një tjetër fëmijë

11 Gusht 2022, 11:39, Kronika CNA

Tragjedia në familjen nga Roskoveci/ Rrëfehen fqinjët: Vite

Foto ilustruese

Polumbarët e RENEA-s kanë bërë të mundur gjetjen e trupit të pajetë të 14-vjeçarit që u mbyt një ditë më parë në lumë.

Ai kishte shkuar për të peshkuar në Seman dhe dyshohet se është mbytur gjatë larjes në ujërat e lumit.

Polumbarët gjetën më parë rrobat e tij dhe më pas trupin e pajetë të 14-vjeçarit.

Sipas asaj që raportohet në media, familja e 14-vjeçarit ka pësuar edhe një humbje tjetër në familje vite më parë, pikërisht në lumin Seman.

Në të njëjtin vend 14-vjeçari ka humbur edhe vëllanë e tij. Ky i fundit po ashtu u fut për t’u larë në lumë dhe humbi jetën.

Fqinjët rrëfejnë se familja është në kushte të rënda ekonomike dhe më herët kanë humbur edhe babanë prej koronavirusit.

“Janë shumë hallexhinj, në punë dhe hall të tyre. Babai i ka lënë ka 4 vjet. Edhe një vëlla i është mbytur para 10 vitesh këtu. Këta me ndihmë ekonomike rrojnë, tani ia kanë ndërprerë fare. Kanaçe mblidhnin. Shumë çun i mirë ishte djali. E shikoja që gjuante këtu peshk. Nuk e kanë gjetur ende, do ta ketë marrë rryma”, shprehet një prej fqinjëve.

“Familje e mirë dhe punëtore, fukarenj. Ai çuni punoi disa ditë te unë, ishte djalë i mirë, i zgjuar dhe punëtor. Ka qenë duke kapur peshk. Do ketë rënë ose mund të jetë hedhur për t'u larë, ai e di. Duhet që shteti të vërë dorë në këtë familje se janë më të varfrit. Nuk ngopin dot barkun me bukë. Kjo familja është më e varfra në zonë. Merrnin më parë ndihmë nga shteti, por tani nuk marrin”, thotë një tjetër./ CNA.al