web counter
LEXO PA REKLAMA!

SHKARKO APP

App Store
Google Play

E fundit!

x

Menaxhonte trafikun e kokainës/ Arrestohet biznesmeni shqiptar në Itali

13 Gusht 2022, 10:08, Kronika CNA

Menaxhonte trafikun e kokainës/ Arrestohet biznesmeni shqiptar në

Një biznesmen shqiptar është arrestuar në Vicenza të Italisë.

Ai është Anton Likmeta, 35 vjeç, me precedent të mëparshëm penal.

Siç raportojnë mediat italiane, Likmeta prej disa kohësh menaxhonte trafikun e kokainës, në të cilin kishte përfshirë edhe partneren e tij rumune.

Gjatë hetimeve u zbulua rruga që ai ndiqte për të transportuar shumat e mëdha të parave që vinin nga trafiku i drogës.

Këto para fiillimisht i merrte partnerja e tij rumune dhe më tej ajo i kalonte nëpërmjet njerëzve të besuar që përdornin llogari rrjedhëse të hapura në institucionet bankare rumune, për të penguar konkretisht identifikimin e origjinës së paligjshme të parave.

Më pas kapitali  kthehej në territorin kombëtar, në Itali.

Vetëm pas kësaj manovre të artikuluar, Likmeta, tashmë pronar i një sipërmarrjeje individuale për tregtimin e makinave luksoze (Porsche, Maserati…), rifuti në përdorim shuma të konsiderueshme parash “të pastra” në Itali, për të financuar aktivitetet e tij sipërmarrëse.

Likmeta dhe partnerja e tij janë ndaluar edhe fund të muajit prill të vitit 2022, kur Karabinierët e Njësisë Hetimore gjetën dhe ndaluan çiftin në bordin e një makine luksoze.

Nga operacioni për arrestimin e Likmetës, u bë e mundur gjetja dhe sekuestrimi i rreth 670 gramë kokainë, 15 gramë hashash dhe 43 200 euro cash./CNA.al





Lajmet e fundit nga