E fundit!

21:22 Aktualitet

Tubimi i 45-të/ Protestuesit marshojnë në rrugët e Tiranës me thirrje kundër qeverisë

Protestuesit janë larguar nga Kryeministria pas përfundimi...

Martinaj i ofroi Dumanit “çek të bardhë” për të eliminuar Doklen/ Detaje nga dosja, pse dështoi atentati

20 Maj 2022, 07:57, Kronika CNA

Të tjera detaje vijonë të dalin në dritë në lidhje me dosjen e operacionit të SPAK-ut dhe Policisë, që kulmoi me 18 të arrestuar dhe dhjetëra të tjerë të shpallur në kërkim. Në dosje është marrë dëshmia e Henrik Hoxhajt.

Sipas gazetares Klodiana Lala, ai ka treguar se si Dumani i ka kërkuar të mbledhë informacione për të eliminuar Indrit Doklen.-raporton “BW”.

Hoxhaj tregon të gjithë rrugën që ka ndjekur, që nga vëzhgimi në një kompleks vilash ku dyshohej që Dokle qëndronte me qira, e deri tek informacionet mbi makinën e blinduar që ai lëvizte.

?Nuredini më ka dhënë porosi për vrasjen e Indrit Dokles. Kjo ka qenë para rreth një viti, ku unë bisedoja shpesh me Nuredinin të cilin e njihja edhe me emrin Luli. Në një nga këto biseda, që po kryenim në telefon ai më thotë se do gjetur ku është Indrit Dokle dhe duhet të merrnin masa për ta bërë.

Çmimi ishte mbi 500 mijë euro pasi sipas Nuredinit personi nga i cili kishte marrë porosinë i kishte thënë kërko sa të duash, pra i kishte lënë dorë të lirë te çmimi. Gjithashtu, Nuredini kishte informacion se Indriti jetonte te një vilë në kompleksin “Rolling Hills”. “Po me makinë me qira kam shkuar deri te ‘TEG’-u për të vënë re nëse mund ta shihja Indritin, por nuk e kam parë. Nga muhabete lart e poshtë kisha dëgjuar se Indriti lëvizte me një fuoristradë të blinduar ‘Toyota’?, thotë Hoxhaj.
Ai ka treguar më tej, se makinën në fjalë e ka parë në afërsi të liqenit artificial, por nuk ka kryer veprime të tjera pasi thotë se Dokle nuk ishte ?objektiv i lehtë?.

?Në një nga këto lëvizje, te TEG-u unë e kam parë këtë makinë te rrotondo që ndodhet te diga e liqenit artificial afër Kopshtit Zoologjik. Thjesht e kam parë, por nuk kam bërë asnjë ndjekje. Ky objektiv nuk ishte i lehtë dhe kjo porosi ngeli vetëm me fjalë dhe nuk kam kryer asnjë veprim. Nga biseda me celular me Nuredinin e kemi lënë pezull dhe kemi biseduar për gjëra të tjera. Nuk kisha dijeni se ku ndodhej Nuredini gjatë kësaj kohe që unë po kryeja verifikime për Indritin?, shton më tej ai.

Nga ana tjetër, Nuredin Dumani ka treguar se kush e ka porositur vrasjen. Në dosjen hetimore thuhet se vrasjen e ka kërkuar Ervis Martinaj e për ekzekutimin e Dokles ka ofruar 500 mijë euro. Nga këto para, Dumani pranon se ka marrë 100 mijë në formën e paradhënies. Kujtojmë që Martinaj është shpallur në kërkim nga policia.

Ata kryen dje kontrolle edhe në hotelin që dyshohej se fshihej, po përveç një sasie droge dhe disa sendeve personale, nuk arritën të gjenin të dhëna të tjera që mund të çojnë në gjurmët e Martinajt.