web counter
LEXO PA REKLAMA!

SHKARKO APP

App Store
Google Play

Bilanci/ 243 policë janë hetuar në 8 muaj, 61 ranë në pranga

4 Shtator 2022, 19:51, Kronika CNA
Bilanci/ 243 policë janë hetuar në 8 muaj, 61 ranë në
Foto ilustruese

243 efektivë të sektorëve të ndryshëm në të gjithë vendin janë dërguar në Prokurori gjatë 8 muajve të fundit nga Agjencia e Mbikëqyrjes Policore.

Gjithashtu, raportohet se edhe 4 punonjës të Gardës së Republikës janë nën hetim nga organi i akuzës.

Sipas shifrave të AMP-së, 61 punonjës policie janë vënë në pranga pasi është dhënë masa e sigurisë nga gjykata për akuzat “shpërdorim detyre” dhe “korrupsion”, “mosveprim”, apo “veprime arbitrare”.

Një arrestim i bujshëm ishte ai i Jeton Lamit, efektivit të Operacioneles, që shoqëroi me makinë të shumëkërkuarin Ervis Martinaj.

Gjithashtu, në fillim të gushtit u vu në pranga komisari i Elbasanit, Arjan Tase, i cili vrau me skaf 7-vjeçaren Jonada Avdia në plazhin e Potamit.

Ndërkohë, për muajin gusht, AMP bën me dije se ka trajtuar 134 ankesa.

Konkretisht, AMP njofton se janë:

243 efektivë policie në hetim

4 punonjës të Gardës në hetim

61 efektivë policie të arrestuar

51 ankesa për strukturën e Rendit e Sigurisë Publike

46 ankesa për strukturën e Policisë Rrugore

29 ankesa për strukturën e Hetimit të Krimit

7 ankesa për strukturën e Kufirit dhe Migracionit

1 ankesa për strukturën e Shërbimeve Mbështetëse./ B.A. – CNA.al

 





Lajmet e fundit nga