web counter
LEXO PA REKLAMA!

SHKARKO APP

App Store
Google Play

E fundit!

x

Ekzekutimi që tronditi Shkodrën/ Ende asnjë i dyshuar për vrasjen e Ismet Çekorjes

4 Shtator 2022, 12:55, Kronika CNA

Ekzekutimi që tronditi Shkodrën/ Ende asnjë i dyshuar për

Mes dyshimeve për një hakmarrje të mundshme dhe larjes së hesapeve për shkak të aktivitetit kriminal dhe lidhjeve të djalit të tij, Bajram Çekorjes, atentati që i mori jetën 58-vjeçarit Ismet Çekorja, mbetet ende pa autor.

Përveç rindërtimit të skemës së ngjarjes, ku nga kamerat e sigurisë rezultoi se një person me motor dhe skafandër në kokë ka qëlluar 7 herë në drejtim të 58-vjeçarit, policia nuk ka identitetin e tij.

Dëshmitë e 15 personave që u morën gjatë të shtunës në pyetje, nuk e ndihmuan shumë grupin e hetimit në drejtim të identifikimit të autorëve.

Ndërkohë janë identifikuar të gjitha lidhjet e Bajram Çekorjes, djalit të viktimës, i cili vijon të jetë në kërkim për atentatin e dështuar ndaj Alban Bruçit, kjo për shkak të shkuarës së tij.

Por burime të pakonfirmuara pranë bluve të Shkodrës bëjnë të ditur se për momentin është lënë mënjanë pista që vrasja e 58-vjeçarit të ketë lidhje me atentatin ndaj Alban Bruçit, raporton TV Klan.

Kjo edhe për shkak se pak ditë përpara se Ismet Çekorja të vritej është takuar me babain e Alban Bruçit dhe familjet janë sqaruar me njëra-tjetrën.

Ismet Çekorja, u vra pasditen e 2 Shtatorit, pak ditë pasi kishte dalë në media për të mbrojtur djalin e tij, i shpallur në kërkim për atentatin ndaj Bruçit dhe i dyshuar për disa ngjarje të tjera në Shkodër.





Lajmet e fundit nga