web counter
LEXO PA REKLAMA!

SHKARKO APP

App Store
Google Play

E fundit!

x

Plumbat i morën sot jetën/ Çfarë deklaronte Ismet Çekorja 4 ditë më parë për mediat

2 Shtator 2022, 16:28, Kronika CNA
Plumbat i morën sot jetën/ Çfarë deklaronte Ismet
Ismet Çekorja, viktima e atentatit

Viktima e vrasjes që tronditi sot Shkodrën, Ismet Çekorja, është babai i Bajram Çekorjas, të akuzuarit për atentatin e dështuar ndaj Alban Bruçit më 25 gusht.

Disa ditë më parë, Ismet Çekorja doli në mbrojtje të djalit të tij, të shpallur në kërkim, dhe hodhi një sërë akuzash.

57-vjeçari pretendonte se familja e tij po sulmohej nga një grup banditësh, të lidhur me njerëz me pushtet.

"Policia ka ardhur në banesën tonë pas vrasjes së Arjan Ferracakut, një kohë që viktima ishte nipi im. Po ashtu kur u vra edhe Fatos Ferracaku, prap më kanë thirrur mua dhe djalin. Pastaj janë vrarë vëllezërit Bilali dhe sërish policia në banesën time, një kohë që kemi kaq shumë vite që jemi fqinj.

Plumbat i morën sot jetën/ Çfarë deklaronte Ismet

U plagos Admir Bajri, prap në banesën time, një kohë që familja jonë e ka patur një lloj njohje me familjen e tyre. Po ashtu u qëllua shefi i policisë bashkiake të Malësisë së Madhe, sërish në banesën time, kur në fakt autorët dolën krejt persona të tjerë.

Rasti i fundit është me Alban Bruçin, djalin e Lad Bruçit, të cilin unë e kam shumë mik dhe nuk ka asnjë shans që djali im të qëllojë djalin e tij, kur ne kemi shumë miqësi, aq më tepër që Bajrami, djali im është i monitoruar me kamera.

Këto sulme ndaj familjes tonë i bëjnë disa bandit, hajdutë biçikletash dhe banditë të veshur me pushtet. Se cila është arsyeja ne nuk e dimë. Ajo që kërkojmë është drejtësia.

Djali im është i pafajshëm dhe nuk ka marrë pjesë në asnjë prej ngjarjeve kriminale, për të cilat është i dyshuar. Janë të gjithë inskenime dhe tani ai duhet të qëndrojë rrugaç dhe nuk mundet as të punojë as asgjë. Kërkojmë drejtësi dhe të zbardhen ngjarjet", tha Ismet Çekorja 4 ditë para se të ekzekutohej./ B.A. – CNA.al





Lajmet e fundit nga