web counter
LEXO PA REKLAMA!

SHKARKO APP

App Store
Google Play

E fundit!

x

Gjykata e la në burg/ Avokatja e turkut Ozer: Po bëhet politikë, mediat gënjejnë

2 Shtator 2022, 12:54, Kronika CNA
Gjykata e la në burg/ Avokatja e turkut Ozer: Po bëhet politikë,
Avokatja e Faruk Ozer

Avokatja e Faruk Ozer, turkut që u la në burg nga gjykata e Elbasanit, e cilësoi të pafajshëm klientin e saj.

Në një deklaratë për mediat, ajo u shpreh se mediat shqiptare e ato turke kanë gënjyer për akuzat ndaj tij, ndaj theksoi se do ta apelojë vendimin.

Sipas saj, e gjithë çështja është politike.

“Ai do të jetë në burg për procesin e ekstradimit. Ne do ta apelojmë vendimin. Bëhet fjalë vetëm për politikë. Në mediat shqiptare dhe ato turke thuhen gënjeshtra për akuzat ndaj tij. Ne mund të themi se nga prokuroria e Turqisë dhe institucionet atje thuhet se dëmi është 20 milionë dollarë dhe jo 2 miliardë dollarë siç thuhet në media.

Ai nuk është personi përgjegjës për ato krime që e akuzojnë. Nga 20 milionë dollarë dëm, gjysma e tyre u janë kompensuar familjeve. Dhe gjysma e familjeve të dëmtuara i kanë tërhequr pretendimet. Ka arsye politike.  Ai erdhi si biznesmen në Shqipëri, erdhi për të investuar”, nënvizoi avokatja./ B.A. – CNA.al





Lajmet e fundit nga